انا وضعي زي وضعك عايشين انا وزوجي بديرته اللي هي غير ديرة اهلي وفاهمه الكلام وحاطه نفسي مكانها وهذا اللي مضايقنيي اكثر يعني ما اتخيل زوجي يجي يساومني يقولي يا تروحي زواج اختك يا تروحي خطبتها!!!
هذي اختي يا عالم وهذي امي اللي رايحه اساعدها في مناسبة كبيرة زي هذي..بدل ما يرسلها قبل الخطبة بكم يوم عشان تشرف على العزيمة وتشيل عن كتف امها وتساعد اختها ( خصوصا اذا مالها اخت ثانيه)! بدل ما يقول اقعدي يومين بعد الزواج او الخطبة عشان تساعدي اهل البيت في التنظيف والترتيب وغيره؟؟

الله يحفظلنا اياك يا (زوج اختي) خلى اختي 10 ايام بعد ما تزوجت انا عشان تقعد تونّس امي مش عشان تساعدها فقط عشان تونّسها لا يضيق صدرها بعد ما انا رحت.. اشخاص من هذا النوع الله رح يباركلهم في عيالهم لانه آثروا سعادة غيرهم على سعادتهم اضيفي الى ذلك انه واجب..

هذي ماهي اي مناسبة مش حفلة عشاء او حفلة تخرج اختي او حفلة ولادة مولود هذي خطبة وزواج يعني فيه فرق.. اذا ما رحت لاهلي في مناسبة زي هذي او في حالات (اللهم ابعدها عنا) المرض والوفاة ،، متى اجل بروحلهم؟؟
هذا اقل شي ممكن يقدّمه زوج بنتهم لاهلها عرفان وشكر لانهم وافقوا يعطوه بنتهم ووافقوا انها تتغرب معه ووافقوا ووافقوا ووافقوا لمجرد انهم اتوسموا في وجهه الخير..هذا جزاءهم؟ يبغى يحرم بنتهم من حضور زواج او خطبة اختها(ويساوم بعد)..


واذا كان تعبان يا اختي؟ هو رح يشيلها على اكتافه ويوصلها على اهلها؟اقرب تذكره على اقرب طياره وانتهينا..واذا محتاجها ما يستغنى عنها من الناحيه الجنسيه يرسلها 3ايام ويرجعها مارح يصيرله شي لو صبر في سبيل واجب عائلي له فيه اجر وثواب..

انا ما انكر انها اخطأت بتصرفها (جدا اخطأت) بس لا يجي يعمل نفسه الضعيف ويبغى يتفنن بتعذيبها وعقابها متناسي انه هو اللي دفعها الى هذا الشي..في مثل يقول (طبخ طبختيه يالرفله كليه) هو اللي حدّها تعمل كذا هو الان يتحمل العواقب والنتايج..

__________________