1_ أسباب الطلاق ؟
اسباب الطلاق باختصار تراكم المشكلات الصغيره الي ان اصبحت كبيره مثل الوحش... الاستغلال كان واحد من اهم الاسباب... الكذب واخفاء بعض الامور

2_هل ترى أن الخطأ منك أومنها؟

الخطأ منا الاثنين لانه لما يراعي نفسيتي لاني مريت بظروف صعبه ما لقيته جنبي.. والعكس صحيح ايضا
3_هل تم طلاقكم بتراضي منكم؟
انا من طلب الطلاق لاني لم استطع اتحمله... رفع علي قضيه في المحكمه ظلت تقريبا سنتين بس في النهايه وافقت اني اتنازل عن البيت اللي بنتيه معاه بفلوسي واتنازل عن المهر اللي ما اخذت منه ولا فلس عند الزواج وايضا تنازلت عن كل حقوقي وكان شرطي الوحيد ان بنتي تعيش معاي حتى لو انا تزوجت مره ثانيه

4_هل كان تدخل الأهل في مشكلتكم أيجابي أم سلبي ؟ أوبمعنى هل هدأ من المشكله أم زادها؟
كان سلبي لان تدخلهم كان يزيده عناد وفي النهايه حليت الموضوع معاه بنفسي رحت المحكمه بروحي لان اخواني قالوا لي خلاص لان ما تسمعين كلامنا روحي بروحك بس الحمدلله رحت المحكمه مره وحده وانهيت الموضوع

5_ هل أنتي أو أنت نادم على الطلاق ؟
احيانا اندم عشان بنتي بس
لكن لما نتكلم بالتليفون بخصوص البنت والاقي اسلوبه وطريقه كلامه ما تغير احمد ربي اني تطلقت منه

6_ كم فترة زواجكم وهل كان هناك أطفال ؟
فتره الزواج فوق العشر سنوات لاني تزوجت صغيره وعندي بنت وحده الحمدلله ما تأثرت بالطلاق لاني حاولت ابعدها عن المشاكل وحتى ابوها يقدر يشوفها في اي وقت مع ان المحكمه حددت له 4 ايام في الاسبوع وحتى المصروف انا اللي اصرف عليها اغلب الاحيان

7_ أسباب لوتجنبتوها لم يحصل الطلاااق؟
انا كنت عصبيه وهو كان ضعيف الشخصيه
عصبيتي ما جات من فراغ انا مريت بظروف صعبه ما شفت وقف معاي مثلا اذا اهله هاوشوني ما يوقف معاي ولا يتكلم اصلا حسيت انه ما يقدر يدافع عني مع اني ما كنت ارضى عليه... عطيته راتبي طول مده الزواج وحرمت نفسي من كل شي بس يا زعم عشان نبني لنا بيت ونطلع من بيت اهله بس كله راح والحمدلله على كل شي
سبب ثاني اني جامعيه وهو ثانوي يعني مافي تكافئ فكري كنت دايم اشجعه انه يكمل دراسته بس ما يرضى محلك سر
السبب الثالث اللي خلاني اعند واني ما ارجع له انه تونا انفصلنا يعني بس رحت بيت اهلي قعدت كم شهر قام خطب له ا كثر من مره لانه كانوا يردونه ما يوافقون عليه...

بشكل عام:
1. لا اشجع زواج الاقارب
2.لا اشجع الزواج في سن صغيره
3. يجب ان يكون فيه تكافئ فكري بين الطرفين
4. المشاكل الصغيره يجب ان تحل اول باول والا ستتراكم وتنقلب الى وحش يدمر الاسره

أخيرا شكرا أخ نايف لطرحك لهذا الموضوع