اقتباس:
|
المشاركة الأصلية كتبت بواسطة شوبارد
موضوعك كله في محله.. لكن مسألة أن يمسك يدها خارج البيت..
أخي الفاضل انا صريحة في النت لذلك تحمل صراحتي وجرأتي في بوح مشاعري
أنا بنت متأخرة عن الزواج ومايخفى عليك وش معنى متأخرة يعني محرومة ألاقي النظرات من الأهل من المجتمع
بالإضافة الى احساسي بالنقص..
بنت متأخرة عن الزواج مهي لاقية رجال لها وش راح يكون شعورها لما تشوف واحد مع زوجته وماسك يدها بصراحة؟
في السابق بصراحة ماتهمني هالمناظر .. الحين لا
اعترف أناظر واقول ماشالله الله يهنيهم ياربي لاتحرمني واقعد طول الوقت ادعي لنفسي واحيانا اذا سوو حركة مثلا
يمسك كتفها او يبعد يده عنها ثم يرجعها بحركة غريبة ويضحكون << اصير أتبع حركاتهم
بتقولي غضي بصرك!! انا ماناظرت رجل نظرة سيئة عشان اغض بصري..
جالسة بمطعم بسوق وآكل وارفع راسي واشوف من هالمناظر شسوي؟؟ ادخل راسي بالأكل؟ ولاأغمض؟
أمشي بدخل محل واصادف اثنين بيدخلون المحل بهالمنظر أغمض عيوني مثلا!!
وأبشرك بعد أمي مرأة كبيرة في الخمسينات من عمرها اذا شافت هالمناظر قالت شوبارد شوفي راحت علي الله يخلف علي!! <<< هذي وهي كبيرة بالسن
الله يعوضك يابنتي هالبنات كلهم بعمرك وعايشين وانت مسكينة!
ادري زوجته حلال عليه ياخي عندكم بيتكم سو فيه اللي تبي! الا لازم تقول في السوق شوفوني ماسك زوجتي احبها
والأدهى والأمر اذا جا واحد ماسك يد زوجته ويناظر البنات ويبتسم << يعني اقهركم! لاحول ولاقوة الا بالله
فيه ناس محرومين ماذاقو طعم الزواج وشافو منظر يدل على المحبة! لاتلومونهم
أعطيك صورة مقربة.. لما شخص يأكل طعام أمام شخص آخر جائع!! يفترض ان الشخص اللي ياكل يغير مكانه
اذن لابد من مراعاة مشاعر الآخرين.. والخوف من العين
اعرف وحدة تقول زوجي متغير علي.. لأنه في الاستراحة قالت بنت عمه لي كل ماشفتكم يدينكم ببعض!!
الله يكفينا شر العيون!! << ياسلام اجل ليه ضايقة انت اللي جايبته لنفسك
عمر المحبة والتقدير ماصار بمسكة يد امام الناس.. ممكن يقولها كلمة حلوة وهم يمشون يتغزل فيها مثلا
لكن هالمسكات اللي توحي انهم قيس وليلى مالها داعي! << وهم في الحقيقة يمكن بعضهم يتطاقون على أتفه الأسباب واللي
يشوف اشكالهم يقول ياي معاريس مالهم الا كم يوم
لا وطايحين الحين يمسك اكتافها استغفر الله العظيم بس مدري هاذولي عندهم بيوت ياخذون راحتهم فيها ولالا؟؟
وجزاك الله خير واتمنى تقبل وجهة نظري الصريحة جدا بصدر رحب
|
انا مع اختي شوبارد في كل كلمه قالتها
__________________
اللهم إنى أسألك بأني أشهد أنك أنت الذي لا اله إلا أنت الأحد الصمد الذي لم يلد ولم يولد ولم يكن له كفواً أحد اقض حاجتي آنس وحدتي فرج كربتي اجعل لي رفيقاً صالحاً كي نسبحك كثيراً ونذكرك كثيراً فأنت بي بصيراً.
يا مجيب المضطر إذا دعاك احلل عقدتي آمن روعتي يا إلهي من لي ألجأ إليه إن لم ألجا الي الركن الشديد الذي إذا دعي أجاب هب لي من لدنك زوجاً صالحاً وتجعل بيننا المودة والرحمة والسكن.