المشاركة الأصلية كتبت بواسطة بقايا ليل

السلام عليكم ورحمة الله وبركاته


أبغي أطرح موضوع ...وأبغي كل رجل في هالمنتدى يفيدني...يكمن ألقى حل لمشكلتي..لما أفهم طبيعه الرجل من خلالكم...

بس رجاءً جاوبوني حتى لو ما كنتوا تسوون هالشي...لأن الغرض من موضوعي إني أفهم أنا وكل متزوجه تعاني مثل مشكلتي....

سؤالي...


إذا كنت تخون زوجتك ...يعني تكلم بنات في التليفون...لك علاقات مع بنات غير زوجتك....الخيانه بكل أشكاله مع الجنس الآخر....شو المطلوب من زوجتك تسويه في هالحاله...


هل تفضل إنها تصارحك بإنها تدري بخيانتك لها...وتواجهك ؟؟؟


هل تفضل إنها تلمح بإنها تدري بكل شي يدور من وراها بطريقه غير مباشره؟؟؟يعني تعذيب نفسي لك؟؟؟


هل تفضل إنها تسكت من بعد ما اكتشفت خيانتك لها...وتسكت وتبين إنها ما تدري بشي....وهي المسكينه تموت ألف مره في اللحظه كل ما تشوفك ما سك التلفون وتتكلم فيه...و تطلع من عندها بمجرد ما يرن تلفونك....وهي ساكته وكاتمه في قلبها...على شان حضرتك ما تتضايق؟؟؟؟؟


هل تفضل إنها اطنشك ولا تهتم وتخليك على راحتك....


شو بضبط الشي اللي تطلبه من زوجتك إنها تسويه إذا اكتشفت إنك تخونها...


جاوبوني أرجوكم...لأني تعبت مع زوجي...وأكيد زوجات كثير مثلي....

هو يخوني بالمكالمات الهاتفيه مع بنات.....كل شي سويته...المصارحه بهدوء...والمواجهه بالقوه.....والتطنيش....والترجي...كل شي كل شي.....بس ما في فايده ما زال مستمر.....وهو يدري ومتأكد إني أعرف إنه يخوني....بس يهددني بالطلاق إذا تكلمت عن الخيانه...لأنه يقول إنه ما يخوني....مع العلم إني مكتشفه هالشي مع كذا وحد من اللي يكلمهم...وأنا بنفسي كلمتهم....شو أسوي؟؟؟؟


هو بس يخوني بالمكالمات...يعني ما في علاقات جنسية مباشره....حاولت إني اتكلم معاه بالتلفون مثل ما يتكلمون هالبنات معاه...قلت يمكن أقدر أعوضه عنهن ويكون كلامه معاي وبس لأني زوجته وحلاله...بس للأسف أنا ما عرف كيف أبدأ....شو أقول....زواجي منه كان تقليدي وما عرفته إلا في ليلة الدخله....يعني ما تكلمت معاه في الملكه....وألحين صار لنا 6 سنين متزوجين....

يا ريت اللي عنده وأو عندها خبره في هالكلام وشو اللي يقولونه في التلفون...يرسلي على الخاص أمثله....

اتمنى ما اطنشون موضوعي...