يعطيك العافيه اخوي على هالموضوع القوي بصراحه .

بس انا اختلف معك في الرأي وفي نفس الوقت اتفق معك على المبدأ .....

يقول المثل ((( ماتملكه اليد تزهد به النفس )))

والكلام اللي انت قلته ينطبق على معظم البشر للاسف رجال ونساء .

يعني حتى الرجل اذا شاف حبيبته او صديقته او زوجته تركض وراه عطاها بالشلوت .

واذا ثقلت عليه جاها يركض !!!!!!

وماقدر انكر ان حتى بعض البنات لهم نفس الفكره

بس الانسان الطبيعي المتزن هو اللي يقابل الاحسان بالاحسان مايقابل الاحسان بالاساءه والاهمال .

انا متزوجه وكل مامدحني زوجي واثنى علي اتشقق من الوناسه..... وافكر شلون ارضيه اكثر,,, واخليه سعيد اكثر .

اخوي شيل من بالك هالفكره المأساويه من راسك و حط في اعتبارك ان الناس اجناس وان اصابع يدك ماهو سواء .

وعامل الناس بمثل ماتحب انهم يعاملونك .

وترى مافيه قاعده يقدر الانسان يعممها على كل البشر ...

واياك اخوي انك تعامل مرتك مثل مايقولون اخوياك,,,,, تراك انت المتضرر الاول وزملاك ماهم نافعينك اذا هي

تضايقت من اسلوبك شوف وش طبعها وعاملها على اساسه وشوف اذا كان الشخص اللي قدامك يستاهل انك تبدي له

المشاعر الساميه فبها ونعمت وان كان الشخص اللي انت معاشره مايستاهل انك تبدي له الود فخلاص خلك غامض .

ارجوا اني اكون اصبت في ردي على موضوعك واني اخلصت لك النصيحه

__________________
مافيه فرق بين حي ومقبور........لاصار حي وعن هوى النفس قاااااصر