عندما يتكلم خطيبي عن خطيبته السابقة أحس بغيرة كبيرة في نفسي بالذات لما يتكلم عن الثانية مش الأولى
مع إنه قال إنها خلاص ما عادت في باله أبدا أبدا ولا يحبها وهي أصلا تزوجت, وأنا عارفه إنه ما يكذب علي
لكن أحس دايما من كلامه انه معاملته معها كانت غييير, اهتمام ودلع وعمره ما يقدر يزعلها, لما مرة كلمته في ها الموضوع قال لي إنه يتعمد أن يفعل ذلك معي يمكن انه اتعقد من اللي فاتوا, وكمان يقول لي انه هي كانت تهتم
جدا 24 ساعة اتصالات وأشواق وإذا ما شافته في يوم تبكي ... ورغم اهتمامي الكبير به قال لي انه ما يطلع 1/10 من اللي كانت تعمله معاه!!!! وبعدين اكتشف انه هي وأهلها كانوا يمثلون عليه, واللي غااااظني أكثر انه قال لي هي كانت صغيرة وكنت لازم أدللها وأعاملها على قد سنها, أما انتي كبيرة وناضجة والمعاملة اكيد تختلف,, والله اني مت من الغيظ لما قال هذا الكلام يمكن يكون عنده حق لكن أنا كمان محتاجة جدا انه يحسسني بالحب والحنان ويدلعني أكثر منها لأني مريت بظروف صعبة غصب عني ومحتاجة أحس بهذه الأشياء أكثر على الأقل أعوض السنين اللي ضاعت من عمري من غير ذنب.
ورغم إنه دايما يأكدلي إنه يحبني بس ألاحظ معاملته لي بالنسبة للي فاتوا ولا شي.
أولا : نفسي يتأكد إني مخلصة في حبي ولا أضحك عليه وأمثل مثل الثانية وأن اهتمامي بي حقيقي وإني مستعدة أضحي معاه للنهاية.
ثانيا : نفسي أخليه يهتم بيا ويبينلي حبه وحنيته ويراعي مشاعري أكثر..
بصراحة حاولت كتيير بس مش عارفه وأكيد عندكم حل!!!!!!!!!

__________________