اخي الكريم
ما راح اقول اكثر من اللي قالوا الاخوان
انا عندي حل و إن شاء الله ينفع معاك وهذا الطريقه صارت مع احدي صديقاتي
مثل زوجتك لا تعرف الطبخ وان طبخت مره حلو ومره ماينبلع
المهم زوجها كلمها مره واثنين وثلاث لين تعب ومل
شنو سوي,,,,,,,,,,,,,,
قال لها اخذي اغراضك وروحي حق اهلك وعلي فكره كان عندها بنت منه تقريبا نفس عمر ولدك
واهي خافت علي بالها انه يبي يطلقها وسألته شنو السبب قال لها اذا تعلمتي الطبخ ارد البيت
وفعلا اخذت مده اسبوعين عند اهلها والحمدلله صارت تطبخ وصار زوجها يعزم ربعه للبيت
وانا من رايي انك توديها عند اهلها لفتره معينه حتي تتعلم وطبعا كلم امها او اختها حتي تكلمها
وتنصحها لعل وعسي الله يهديها و إن شاء الله انها تتغير وتصبح للاحسن
او انك اذا عندك خوات خلهم يزورونها واذا شافوا البيت مو مرتب صدقني بيكلمونها
ليش البيت مو نظيف ومن الامور هذي واهي بنفسها راح تنحرج وتستحي
تمنياتي لك بالتوفيق
التعديل الأخير تم بواسطة النور والحنان ; 20-08-2006 الساعة 09:14 PM