السكوت حلو خاصه وقت الخلاف والزوج معصب
لكــــن !!!
يضرب ويشوت ويكسر واخرتها اكافئه واعطيه كوب شاي !!!
حتى الخدامه مانرضاها لها شلون الزوجه !!
حلو الصبر وحلو السكوت من الزوجه للزوج وهو غضبان بس مو للدرجه هذي!!
يعني لازم اصبر كم سنه من الضرب والاهانه والتكسر علشان بعدين يحبني ومايفارقني ؟؟
والمصيبه هذاك اللي زوجته جميله وكل شي زين فيها ويقولها بتزوج رضيتي والا طقي راسج بالطوفه( ماكو ذوق ) وفي الاخير يتحسف !!
انزين ليش جذي ... لازم هالمعاناه قبل يعرفون قيمتهم !!
انا اعتقد ان هالتصرف على البيئه اللي تربوا فيها يعني البنت لازم ماتناقش زوجها كلش ومالها الا بيت زوجها
لكن بعض العايلات يستنكرون ان الزوجه تنضرب اب والا زوج والا اخ مايرضون بهالشي
عني انا وانا ياهل ياويل اخوي الكبير يمد يده علي ابوي بيذبحه رغم اني احترمه بس مو من حقه يمد يده علي
واللحين انا اعصب على اكبر عيالي وهو اطول مني اللحين بس لانه مد يده على اخته اللي اصغر منه لانها عاندته او ماسمعت كلامه
ماحب اي حد يمد يده عليها واقول لعيالي ترى مايمد يده على البنت الا البنت فاعتبروا انفسكم بنات قبل تضربون اختكم
فأحنا تربينا ان البنت مايكرمها الا كريم ولا يهينها الا لئيم
وانا هذا اخوي ومارضيت ولايرضى الوالد انه يمد يده علي ونفس الحال مع بنتي مع وجود الاحترام بس بدون ضرب
وشلون زوجي بسكتله وهو يضربني ويشوتني ويكسرني وغيرها من المصايب
و بعدين اعطيه كوب شاي
صعبه

الموضوع حلو والعبره فيه ان الزوجه ماترد على زوجها وقت الغضب
بس الشين فيه انهم بطيئين في تقدير زوجاتهم والواحده فيهم لازم تنهان وتنطق وتتشوت ويخونها زوجها ويتزوج عليها
.......... والخ من جميع المصايب وبعدين يتحسف ويحبها

__________________