اختي .. ظروف اخوك تذكرني بنفسي مع احد خواتي .. الحين كبرت وكل ما اتذكر تصرفاتي اخجل من نفسي


السبب هو الغيرة .. اشوف اهتمام اختي وزوجها بعيالهم وتدليعهم وانا افتقد حنان الاب

ومن جهة ثانية لا تبينين حرصك الزايد على اولادك قدام اخوك يعني مثلا كنت اتذكر لو اضرب احد عيال اختي او ما اعطيهم اللي يبون .. تهاوشني اختي ويزيد كرهي لها ولعيالها ما يهم طنشي وكأنك ما تشوفين ما راح يموتون لو ضربهم مثلا .. صدقيني اذا حبك راح يحب عيالك وزوجك ويموت عليكم ويصير المدافع الرسمي عنكم

الحل
شفتي علاقتي مع اختي كيف كانت ؟؟ سبحان الله تبدلت 180 درجة وصرت ما استغني عنها لازم يوميا اشوفها او اكلمها وصارت مخزن اسراري ... اقولك وش سوت .. شكلها رحمتني وحست اني غيرانة من عيالها بدت تجيب لي هدايا
باستمرار مو شرط تكون غالية مرة جابت لي ميدالية ومرة عطر ومرة محفظة ....... وتقول لي شفت هالشي في السوق وقلت ما يغلى على اختي وجبته لك ... تقريبا ما تنساني واذا شافتني حزينه تجي وتقول وش اللي مضايقك ؟؟ تبين مساعدة ؟؟ لا تشيلين هم وانا اختك ... طبعا في البداية ما كنت اعطيها وجه .. وهي مستمره على احسانها
قلت في نفسي وش اللي حادها تسوي كذا ؟ اكيد تحبني من جد
وصرت مثل العجينة بيدها الى الان احبها هي وعيالها واغرقهم هدايا .. استشيرها في اموري .

طبعا الحين انا مره ام عيال