منتدى عالم الأسرة والمجتمع - عرض مشاركة واحدة - كل عانس تجاوبني على سؤالي ممكن !!!

22-08-2006, 11:18 AM

#19

فراوله حمرا

عضو جديد

تاريخ التسجيل: Jul 2006

المشاركات: 25

ولا عليك يا اخت نجود ..
انا ماعلي من كلام الناس مدام واثقه ولله الحمد من نفسي..
ويعني اتأخرت في الزواج ,, او رب العالمين ما اراد لي اني اتزوج .. هذا نصيب يا اختي وارضي بنصيبج واحمدي الله على الصحه والعافيه .. انا ولله الحمد عمري 31 بس والله اني راميه كل الدنيا ورا ظهري .. لأن عندي ثقه وايمان بالله انه لو لي نصيب باخذه باخذه .. وان ماكان لي نصيب فالخيره فيما اختاره الله لي .. وليش اعطي الناس اهميه يسيرون حياتي كيف ما يبغون ..
انا في سن النضج والحمدلله مافي شي ناقصني من اصل وفصل وجمال واخلاق وست بيت ممتازه واشتغل وناجحه الحمدالله في حياتي والكل يشهدلي والحمدلله بس ربي ماكتبلي نصيب للحين شسوي اذبح عمري يعني ؟؟
.. وابدا ما افكر في ها الشي وان فكرت وكلت مخي في التفكير بها الشي معناته اني يالسه اييب المرض لنفسي ..
اطلعي واستانسي وسوي كل اللي في خاطرك بس بحدود ما يرتضيه دينا وعقيدتنا وتقاليدنا