بصراحه اختي الله يـــــــــكـــــــــــــون فــــــــــي عــــونــــــــــــــــج..
مــوقــف جـداً صــــعـــب .... شوفي راح انصحج نصيحه لان يوم قلتي مشكلتج ذكرتيني في نفسي بس بصراحه والله اعلم اشوف زوجي واااااااايد متغير معاي... بس قبل لا انصحج بقولج شي وفكري فيه..
1/ من بينفعج لو مرضتي من غير شر (سكر+ضغط+غولون ):20:
2/من بيحس بحرقه قلبج (زوجج او الفتاه اللي في حياته او حتى اقرب الناس وشفتي في المنتدى كلامهم مهما كان جميل من دعاء ومن اشرطه وغيره هذا يبرد قلبج)
3/من بيهتم فيج لين راح من يدج "النساء كيدهن عضيم"
( تضمنين انها نزوه وبعدين خلاص )
حـــبــــيـــبـــتـــي فكري في نفسج قبل لاتفكرين في زوجج ومشاعره لازم تحطين النقط على الحروف ولازم توقفين هذي الحركات عند حدها لا تخافين من صوته العالي لان هو برفع صوته يفتكر انج راح تصدقين وايبي يسكتج وهذا العكس تماماً
وبروده في بعض الاحيان يبي يبين لج انه طبيعي وان انتي عن شو تتكلمين
إن شاء الله اول مايجي من السفر قولي له ابيك في موضوع ممكن وشوفي وجهه والله بيتغير بعدين قعدي معاه ودخلي عليه بهذا الاسلوب اسأليه .....؟
1/ انت تحبني .....؟
2/ انا قصرت في حقك......؟
واذا قطع الموضوع وقال اني تعرفين او شو لزوم هذه الاسئله قولي له جاوب وبتعرف ولا قولي انا ابي اعرف انا شنو بالنسبه لك .....؟
3/ في شي مايعجبك من تصرفاتي ....وسأليه اللي تبين وشوفي رده وفي الاخير قولي بصراحه " وبأسلوب هادئ وطبعاً اكيد وانتي راح تتكلمين راح تدمع عينج وشوي شوي راح تبكين" وهذا مهم في الموضوع...
وكملي انا لاحضت هذي الايام وحددي الفتره علشان يعرف انج واعيه مش غبيه ارقام غريبه وتصرفاتك تغيرت ومسجات والتلفون مسكر والنت وسوالف المنتدى هذي كلها ادله على ان في شي خطأ وانا يافلان مش طفله ليش تسوي جذيه انا شو اللي قصرته علشان تشوف غيري ولاتخافين من صوته راح يعليه ولاتــــــــــــــــــــخـــــــــــافــــــــــــ ــــــيـــــــــــــــن لان من حقج واذا قال شي قولي انا زوجتك ومن حقي احافظ على زوجي و بيتي وعيالي انا شنو بالنسبه لك بس زوجه حق بيت وعيال فقط قولي انا زوجتك وحبيبتك وروحك وحياتك وكل شي انا لو ماحبك بقول خله احسن يروح وافتك بس انت حبيبي وابيك لــــــــــــــــــــــــــي قولي انا انــــــــــــــــانــــــــــــــيه احبك لي بروحي ولا ارضى حد يشاركني فيك وضميه قوليله وانتي ضامته انا احبك ولا ابغي نخسر بعض بنات الحرام ماراح ينفعونا لين فرقوا بينا صدقين هذا الكلام راح يأثر في نفسه بيحس انه راح يفقد زوجته علشان وحده ولين انكر قولي حبيبي انا مو غبيه انا احس وتحملي تقولين اعرف اسمها في المنتدى او رقمها او قريت المسجات لا بس بيني الادله تلفون مغلق اشوف مسجاتك كثرت اشوف قعده على النت زادت واذا بعد انكر قولي خلاص انا مصدقتك بس شوف باقولك شي اذا لقيت دليل مراح تلقاني في البيت جيب فاتوره التلفون ونشوف ادري ان هذا الكلام قوي بس خل يحس انج مسكره عليه من كل جهه ونصيحتي لج لاتلحين على الفاتوره لان اكيد راح تلقين وسكتي على الموضوع بس من ناحيه يحط لج الف حساب .....
شوفي الكلام اللي قلت لج صدقيني بعدها راح تشوفين راح يهدا بس مراح يتركها على طول بس يحاسب لج وراح تكشفينه وفتحي الموضوع مره ثانيه وثالثه وعاد ثالث مره قولي له انا انسانه لي قلب واحساس انا اتعب لين اشوف ريلي يكلم غيري وانا ماستحمل انا باروح بيت هلي ولين عقلت وتركت السوالف تعالي وقولي بصوت عالي شو وهذي الطريقه الاخيره لاتجربينها الا اذا انتي تعرفين زوجج شلون طبعه لان بعض الرجاجيل بيقول روحي
لازم المراه تكون قويه مش جريئه في هذي المواقف لانه زوجج ومن حقج تحافظين عليه واذا شفتي انه يرفع صوته اعلى سكري الموضوع وتمي زعلانه واذا قال شي قولي انا في قلبي كلام ولازم اقوله لك...
واسفه اذا طولت واذا في شي تبين تقولين لي انا حاضره بس والله فديتج لاتتركين زوجج يضيع منج ..
والحمدالله انا جربتها مع زوجي وصدقيني الحين متغير معاي للاحسن ويدلعني لان يقولن حسيت انج تحبيني وتبين تحافظين علي ...
ونصيحه صغيره بعد ماتصارحينه حاولي تزيدين الاهتمام في زوجج من دلع واكل ولبس ومكياج علشان يتعلق فيج ولا يحس بوقت الفراغ
وشكرا
التعديل الأخير تم بواسطة النور والحنان ; 24-08-2006 الساعة 12:43 AM