منتدى عالم الأسرة والمجتمع - عرض مشاركة واحدة - أخوي مع عروووسه...يا ناااس ..غير معقووووول!!!

24-08-2006, 06:57 AM

6ofa

عضو جديد

تاريخ التسجيل: Apr 2006

المشاركات: 12

أختي العزيزة .....قريت الموضوع أكتر من مرة واللي فهمت انو ما في تفاهم بين الزوين من أصلو

طيب خليني أقول المشاكل اللي اللي تواجه أخوك

1- عدم جلوسه جلسة مصارحة مع زوجته وهو اللي يبين اللي عليها واللي لها ...مو انت اللي تكلميها ...لازم أخوك هو اللي يفاتحها بالموضوع.
2- طيبة أخوك الزايدة عن اللزوم ....المفروض يا أختي انو أخوك يكون متوسط في كل شي ....طيبته - شدته - مرحه - الخ.....مو كل ما طلبت قال آمري

3- المرح الزايد عن اللزوم ....أنا ما أقول لأخوك لا ينكت ولا يبسط غيرو بس بإتزان لانو اذا زاد التنكيت عن اللزوم صدقيني الواحد على طول يفكر انو ناقص عقل ولا مستهتر (آسف على الكلمة)

وهنا بعض الاقتراحات لأخوك عسى الله أن يديم بينه وبين زوجته المحبة والمودة دوم يارب:

1- كل يوم أو أي يفترة يشوف فيها زوجته مروقة ....يجلس معاها ويسأل ايش اللي صار معاها في دا اليوم .....وأقترح كمان جلسة مصارحة مرة وحدة أذا صدر من زوجته أي غلط يقول فيه اللي في قلبو كللو ويشيل من دماغو انو زوجتو راح تزعل و لا شي لانو كردة فعل هي راح تقوللو اللي في بالها واللي مضايقها منو على طول ....وبعد الجلسة كل منين يقترح للثاني الحلول المرضية للجميع

2- أما من ناحية تلبية الطلبات .....يشترط انو ما يلبي طلبها حتى تعطيه بوسة (أي كان نوع البوسة بس أهم شي سطحية) الهدف انو يكسر الحواجز اللي بينهم لو هي تنكسف راح تلغي طلبها بس صدقيني الشي دا أنا مجربو بس مع الوقت راح تتعود وتعطيه بوسة من دون ما يقول

3- خلي أخوك ينتبه من ناحية التنكيت دا ...لانو يا خوفي انو يقوول نكتة عليها ....وهي عاد زعلت و ما صارحتو بدا الشي...وخللي أخوك يخللي التنكيت مثلا لما يفتكرو الماضي مثلا مواقف تضحك بس بدون جرح أي مشاعر

اللهم أزرع المودة والمحبة بينهم وأجعلهم أزواجا صالحة يا عزيز ياكريم وأرزقهم بالذرية الصاحة يارب العالمين

قولو آمين

و خللي أخوك يدور في المكتبات الكبيرة عن كتاب (الرجال من المريخ والنساء من الزهرة) تأليف د.جون غراي

وعاد اذا في مستجدات علمينا علشان أخواننا المسلمين يستفيدو من مثل هادي المواقف

وآسف على الاطالة

التعديل الأخير تم بواسطة 6ofa ; 24-08-2006 الساعة 07:06 AM