شوبارد
ضحكتيني والله
اسفة ... احس الوقت ما هو وقت ضحك
بس مقدر اخبي شعوري
اكيد بيجي على بالك .... ليش ؟؟
لان يا حبيبتي
عادي كلنا عايشين في مجتمع ذكوري
وهذا هو حال المرأة دوم
وقصة امك تشابه قصة امي لحد ما
بس عشان ما اظلمها ، ترى ابوي يدلع البنات
وامي تحط هيبة للاولاد وتعادلنا
اما بالنسبة للعنوسة ودورها في تعقيدك من الرجال والرؤية الشرعية
ما اقدر اقول لك عادي لاني ما مريت في هالتجربة والحمدلله
بس احس شئ يجرح وممكن يعقد فعلا
بس بيني وبينك
اكيد شعورك هذي اصلا كان قبل اول رؤية شرعية صح ولا لأ
لان كل البنات نفس التفكير
الشغلة الثالثة :
ذكرتي انك معقدة من الرجال ويظهر عليك الارتباك
وانا اقولك والله اني نفس الشئ
لما اشوف اي رجال ما ادري شنو يصير لي
تخيلي شوبارد
انتو عندكم المرأة ما تختلط يعني طبيعي وضعك
لكن تخيلي وحدة مثلي في مجتمع جدا منفتح ( على الاخر )
ودرست في الجامعة اربع سنوات مع بنات واولاد
ولازم يكون بينا وبين الدكاترة شغل جامد
ومع ذلك اذا اشوفهم احس جسمي كله ينتفض ....
ولما توظفت
لازم عندنا الموجهين رجال ... يعني تخيلي اشرح ورجال قاعد يطالع فيني !!!!!
ولازم تعاملين لنفسك في الوزارة وكلها رجال
والله اللي يشوفني يقول مسكينة معقدة عمرها ما شافت رجال !!!!!
لدرجة صديقتي تقولي خجولة ... وانا اقول لك ما له علاقة في الخجل
اظنك فاهمة اش ابي اقول
على فكرة في نقطة ذكرتيها ضحكتني >>> مدري ليش حاسة انك معصبة الحين مني
اللي هي
انك ماخذة فكرة غلط عن الرجال
ودايما اذا مريتم بجنب احد تقولي ضيقي نقابك ....الخ
انا اسويها دايما مع خواتي
بس بطريقة ثانية وقبل كم يوم ... خواتي اشتكوا علي اني معقدة !!!!
انا دايما احاسبهم في كلامهم في المنتديات
اذا احد اتصل اشلون يتكلمون
اذا طلعوا بره .. اشلون حجابهم
بس احسه مو تعقيد الا زيادة حشمة ولله الحمد واكيد احنا مأجورين
ياررررب يا حي يا قيوم
ما تعدي هالسنة الا وانتي في بيت زوجك
على فكرة لما اقول لصديقتي هالكلام تقولي : حرام عليك ... سنة كثير
اقولها خلاص ان شاء الله ما تعدي هالسنة الا وانت حامل
>>> الله يستر شنو هي اخرة الضحك
وطولت عليك .. سامحيني شوبارد
بس اكيد نفسيتك تعبانة بسبة الدوام ... الله يستر احنا دوامنا بعد اسبوعين
واعذريني عالكلام الملخبط والغير مرتب
بس انا في عجالة من امري
.
.
.
اسماء