السلام عليكم ورحمة الله

اختي العزيزة فاطمة .. الله يساعدج على الحال اللي عشتيه

شلون قادرة تستحملي هالشخص

صحيح انا مش متزوجه لكن اللي اعرفه واشوفه من المتزوجين هو
في الحياة الزوجية يكون الاحترام المتبادل اساس غير ممكن ان نتغافل عنه او ننساه
مثل البيت اذا بتبنينه بدون اساس راح يطيح على الناس اللي فيه


الحب يجي مع العشرة ويكون سبب اخر تتقوى به العلاقة
وانت الان تقولين لنا مميزاته لأنج تحبيه .. لكن هل هو يحبج ؟ لو كان الجواب نعم .. ليش قاعد يتصرف جذي معاج

اذا عشتي مع شخص مايحترمج ويتصرف تصرفات مدري شلون احسه فيه شي مو طبيعي

حتى لو الشخص مايحبج لازم لازم يحترمج ومايغلط عليج او يشك فيج

لما قال لج ان لو كنتي حامل فهذا مو ولدي .. بصراحة شلون استحملتي ورجعتي له هذا قاعد يطعن بشرفج
شلون تقبليها على نفسج


اتخذتي خطوة ايجابية وهي انج ابتعدتي وراح يصير طلاق

صحيح هي كلمة صعبة وثقيله

لكن كوني متاكدة ان نصيبك راح يجيك لحد عندج
نعم انت صغيرة على الطلاق انا وياج بس تخيلي راح تبقين معه وهو بنفس الاسلوب .. اذا صار عندج عيال بيصير الوضع اصعب وحياكم غير مستقرة

وقبل لا انسى انت قلتِ في نهاية كلامج انه مايصلي
اختي اهم شي الدين والاخلاق
بدونهم الرجل والمرأة مايسوون شي
اذا هو مو خايف الله ويؤدي الفرائض فتوقعي الاسوء
تارك الصلاة يعتبر كافر .. اتصور تعرفين هالشيء

شفايدة الكرم وطيبه القلب اللي تقولين عنها وهو ياذيج وقاعد يقط عليج كلام مو زين في وجودج وحتى بعدما ابتعدتي عنه

توكلي على الله وقوي قلبج
الله بيرزقج باللي احسن منه وبتعيشين بسعادة ولا تتحسفين على اللي سويتيه ابدا

تحياتي لج والله يوفقج ويرزقج بالزوج الصالح والذرية الصالحة ويهدي سرك ويبعدك عن اولاد الحرام

ابتسمي وعيشي حياتك

__________________