اسمع اخي
خلينا متفقين ان صديقك مستسهل مسالة الزواج والطلاق
بس عاجبني اوي انه بدا يركز دلوقتي ويحافظ على بيته
بصراحة مش عارفة ليه تخيلت ان زوجته ممكن تكون قابلت كذبته في موضوع الزواج بكذبة تانية في موضوع الحمل وعشان كده عند اهلها عشان ميبانش عليها
ده مجرد ظن
بس اولا بالنسبة لموضوع الحمل بعد القيصري اعرف كتير اوي بيحملوا بعد الولادة القيصري بشهور واحيانا بشهر كمان
من ناحية تانية هيه ممكن تحمل 5 مرات ولغاية 45 سنة ومعتقدش انه عايز اكتر من كده ولاد
اما ازاي يصالحها ويرجعها اقولك
طبعا هو راجل خبره بالستات واتجوز 4 مرات يعني مدرسه
وكل ست لها اسلوب ومدخل
انا مثلا احب لو كنت مكانها انه يجيلي بيت اهلي بمنتهى الجراة ويطلب يقابلني ويتجاهل الكلام مع اي شخص ممكن يثير المشاكل ويكون محضر هدية حلوة ويقولها قدام اهلها لاي مدى هو بيحبها ومش قادر يعيش من غيرها ويقولها انا كذبت عليكي الكذبة دي عشان اثير غيرتك فتقربي مني اكتر وانا عارف انها كانت حركة غبية فسامحيني عليها عملتها من كتير ما بحبك وبفكر فيكي
اعتقد انها لو حجر وشافت لهفته عليها كده لاي مدى لازم هترجع ولازم هيصعب عليها ولازم هيكبر في نظرها
جرب الطريقة دي من اختك امنية