اقتباس:
|
المشاركة الأصلية كتبت بواسطة عيون فتانه
السلام عليكم ورحمة الله وبركاته
عندي سؤال للاخوات والاخوان هل مرت عليكم اوقات ندمتو فيها على زواجكم سواءالندم بسبب الزواج ككل او بسبب شريك الحياة ،،لاني تمر علي اوقات اندم اني تزوجت في سن 18 سنه واقول ما استانست في حياتي على طول مسؤوليه وعيال وهم على القلب واحيانا اندم اني تزوجت زوجي بسبب سلبياته اللي مو راضي يغيرها ،،،،لكن في النهايه ارجع واحمد ربي على النعمه اللي الله عطاني ايها ومن كثر ما افكر كتبت هالشعر ياليت تقرونه وتقولون لي رايكم
كنت احلم بالزواج وكنت احلم بالعيال
واحلم بحياة حلوه اعيشها في ظل ريال
وفكرتي عن الزواج كانت خيال بخيال
حب ورومانسيه وسعادة وطولة بال
وشلونج يا حبيبتي وانت يا عمري كيف الحال
وغير الحب وكلامه ما خطر شي على البال
ووجود المشاكل والزعل بيكون من المحال
وتزوجت والبدايه طبعا على هالمنوال
ولكن مرت الايام والسنين والزمن بنا طال
جفت فرق السما والارض بين الواقع والخيال
جفت ان الزواج مسؤوليه وعوار راس وقربال
والمسؤوليه على راس المره اكثر من الريال
اوامر من الريل وهذا غير طلبات العيال
فلانه يبي لي ويمه سوي لي واختي تبي وابوي قال
والريال وايد تغير وصرت اجوفه بعدة اشكال
مره يكون رومانسي ويسويني ملكة جمال
ومرات يقعد معاي جنه قاعد مع تمثال
ومن تزوجت الف مره اقول صدق اللي قال
الزواج مقبرة الحب ولا غيره كلام ينقال
بس ارجع واقول الحمدلله على كل حال
ناس تتمنى الزواج وناس تتمنى العيال
وناس تتمنى الاثنين بس البخت بهم مال
احمد ربي واشكره على كل الاحوال
الحمدلله اني تزوجت والحمدلله على العيال |
سبحان الله نفس كلامي بس من كم سنة الحمد الله تغيرت
انا تزوجت وعمري 18 وكنت مقهورة مره صديقاتي وبنات خالاتي ما تزوجو الا لما خلصو الجامعة حتى خواتي هذا اكثر شي
كان مخليني ندمانه على الزواج المبكر والروتين يخلي الحياة كلها ملل بس الواحدة اذا ما غيرت ما نفسها بتمل وتطفش
شوفي حبيبتي الحياة مو كلها زوج وعيال الحياة فيها اشياء كثيرة الاهتمام بالواجبات الدينية والهوايات اذا كنتي تحبين القراة
مفيدة جدا زيارة الاهل والاقارب والصديقات واستفيدي من الوقت اللي يطلع فيه زوجك ويسهر اعزمي اهلك عندك او ااجتمعي
مع صديقاتك
الحياة حلوة بس احنا اللي نجيب النكد لانفسنا ومثل ما قلتي الحمد الله اني تزوجت والحمد الله على العيال