المشاركة الأصلية كتبت بواسطة شوبارد

شوف اخوي كل بنت حياتها عند اهلها غير عند زوجها

في بيت اهلها نادر ماتدخل المطبخ في بيت زوجها مجبرة على دخول المطبخ

المهم شخصية الرجل حسب شخصيتك تضبط أمورك

اذا البنت وافقت عليك معناتها شافت فيك الرجل المناسب لها بقى دورك انت

اذا حسستها بقوة شخصيتك وان هذي حياتك وهذي ماديتك لازم تتقبلها بتتقبلها

واذا حسسستها انها هي أرفع منك ماديا وحست بخوفك وبنقصك بتسيطر عليك وتتأمر

قريب لي متزوج من بنت اغنياء مرة والولد من اسرة متوسطة وهو راتبه حلو فوق 10 الاف << تتمناه كل بنت

وسيارته لكزس جامعي خلوق لادخان ولاشي.. ويوم تزوجها وشاف حياتها حس انها فوقه بكثير

حس بالنقص وضعفت شخصيته وصار يردد عندها تراي انسان على قد حالي << صراحة غبي بهالنقطة

وكل شوي يقولها تحملي ترى انا غير عن ابوك والبنت انقلبت عليه سيطرت عالوضع كله تأمر وماتطيع كلامه حتى الطبخ وقت الملكة كل شوي تعزمه وتذوقه من طبخها وبعد الزواج قالت انا ماأطبخ!!

حست انها فوقه

ولما نصحوه اخواته.. تغير عليها فجأة وانقلب عليها 180 درجة والحمدالله طلعت البنت خوافة وتضبطت الأمور

اذن لاتخاف ولاتشيل هم.. أهم شي شخصيتك انت لاتحسسها أبداااا انها ارفع منك

بس طبعا في فرق بين بنت حول معيشة اخواتك واهلك وبين وحدة غنية

موفق اخوي الله يكتب لك الخير