تبغي رأيي بصراحة ..
نفسي أخنقك ..
يابنت .. اشبك انتي .. ايش اسوي فيكي بالله
الادمي ما ينعاب .. وما عليه كلام الا اللهم انه تختوخ حبتين ؟
واشبه نبيل شعيل .. ولا حسين الجسمي .. حبتين رجيم ونظام غذائي وانتهت المشكلة
حبيبتي .. يا قلبي انتي .. يا نور عيوني
الجسم ينحف ويتخن .. يتأثر بعوامل كثيرة
والدور كله زي ما قلت لك عليكي انتي بعد الزواج
انا متأكدة انك قوية .. وقادرة انك تتحملي كلام الناس وتعليقاتهم يوم الملكة .. وتردي عليهم كمان
واذا حبكت مرة .. لا تخليه ينزف معاكي .. ولا توري صور الملكة لاحد .. وكل مرة شوفيلهم عذر
وبعد الزواج يحلها ربك .. عاد انتي بشطارتك تقدري تسيطري عليه وتملكيه
وبعدين .. ممكن تاخذي واحد نحيف .. وصعلوك كمان .. وبكرة النهار مع الزواج والراحة يتخن .. حتطلبي الطلاق ؟
كبريائي يا حياتي ..
مادام الولد واهله شاريينكم .. لا تبيعيهم
وصدقيني .. مع العشرة حتحبيه .. وتحبي شكله كمان .. ويمكن ترفضي انه ينزل وزنه
بس ليا اعتراض واحد ..
حكاية زواجك اللي في العيد ..
آخرتها تتزوجي معايا ؟؟ خخخخ
اقلها اقلها خلي الزواج في الحج .. يدوووب يمديكي تولفي عالرجال وتحبيه .. ويدوب كمان تجهزي نفسك
اما في العيد صدقيني ما يمديك واسأليني انا
ولا تنسي
ما حيكون قدامك الا شهر واسبوعين تقريباً عشان تجهزي نفسك
والشهر هذا شهر عبادة اولاً
وشهر تقضية للعيد ثانياً
يعني زحمة واسعار نار
فاصبري للحج .. وقضي في القعدة .. وربي يوفقك ان شاء الله ويختار لك اللي فيه الخير
على فكرة .. كنت كاتبة كلام ومسحته .. لو بيني وبينك كان قلته .. بس مراعاة للمنتدى وعموميته مسحته
***
دحين استهدي بالله .. واستخيري ثاني .. وخلي الشوفة تجي لا تنكسليها .. وانا متأكدة احساسي يقولي انك
حترتاحيله .. وحنفرح بك قريب ان شاء الله
بالتوفيق ياااااااارب