حاولي تصلحيه ..لانه باين انه طيب وعلى نياته ..وقين تلاقي زوج زي كذا ...
ويبان عليكي انك متمسكه فيه لكن منتي مقتنعه ... بدليل انك تقولي (أريد أن أحبــــــــــــــــــــــه)...
باين انه ماعنده ثقه بنفسه ..فحاولي تاخذي بيده وتبني ثقته بنفسه ..يعني مثلا لمن تسأليه عن حاجه تقولي (قولي رأيك ياحبيبي لان رأيك عندي اهم رأي بالوجود) مثلا مثلا
يمكن مايعرف بالاساليب الحب والشوق ..مو عيب لو علمتيه ....مثلا كمان ..بيوم كثري اتصالات ورسايل ..وبأخر اليوم قوليله (بطلب منك طلب ابغاك تنفذه؟ ) طبعا بالاسلوب الحلو (ابغاك تعمل مثلي ...ابغى احس بشوقك ولهفتك لي مثل مااتلهفت لك اليوم )
يعني انتي ادرى بطبيعته ..لكن حاول تصلحيه ..لانه طيب القلب ..ونادرا تلاقي رجل طيب ..لكنه يبغاله شوية تعديل ..وشوية صبر منك وشوية حب وشوية دروس ..
الله ييسير امرك وينور دربك
__________________
اللهم فرج كربتي ويسر امري واكتب لي الخير يارب