انا عندي كم سؤال ونفسي القى الاجابه عندك والاسئله هي:

1) انا مهما اعمل رياضه ما احس انها تفيدني..اشتركت في نادي لمدة سنه تقريبا بمعدل مرتين الى 3 مرات في الاسبوع ورياضاتي فيها موزعه ما بين مشي على السير+ حصص ايروبيك + سباحه وللاسف مالقيت اي تحسن والنادي اللي كنت مشتركه فيه جدا ممتاز ومتابعني ومتابع غذائي وكانو كل شهر يقيسوا وزني ويجيبو المتر وياخذو مقاس الافخاذ والمؤخره والبطن وكل مره المقاسات بيتزيد والوزن يزيد وكل شويه يحولوني لاخصائية التغذيه لاني اعتبر حاله غريبه عندهم والاخصائيه تقول انتي اكيد تاكلي كثير مع اني ماشيه على تعليماتها بالضبط..على فكره انا وزني قليل لكن ابغى التناسق الصح المهم اول مادخلت النادي كان وزني 48 وبعد ما استمريت صار 51 !! وبناطيلي ضاقت عليا!! خصوصا في منطقة الافخاذ والمؤخره علما بانه طولي 160سم.. فايش تفسير اللي حاصل معايا؟؟علما اني بعد ما خلص اشتراكي في النادي ما عاد جددت وقعدت فتره طويله في البيت من دون رياضه والحمدلله وزني رجع 48 وبناطيلي دخلت فيني ورجعت كريستاله القديمه..

2) بعد احباطي من النادي خرجت وقررت مع صديقتي انه نمشي على البحر 3 مرات في الاسبوع واستمريت عليها 3 اشهر تقريبا نمشي مسافة 3 كيلو ووزني ثابت وماصار صقل لجسمي ولا شي كاني ما بعمل شي..ايش تفسيرك؟؟


3) مع ممارسة الرياضه والمشي تطلعلي في رجلي حبوب فيها موية مع اني البس جزم رياضية وشراريب خاصه للرياضه هذا الشي مره متعبني..ايش الحل؟؟

4) لما اعمل بعض التمارين خصوصا تمرين (((قفي وخلي الفرق بين رجلينك شبر واحد وتكون رجلينك مشكله رقم 11 يعني للأمام
الآن انزلي بقدر ما تستطيعين للارض بشرط ان كعبك يكون على الارض وما يرتفع ابدا))) يتعبني كثير خصوصا ركبي تقعد تطقطق،، انا قلت يمكن بسبب العظام وعملت تحليل الكالسيوم وكان تمام الحمدلله...فايش علاج هذا الشي رغم اني ماني عجوز عمري 25 سنه..


شكرا شكرا شكرا جزيلا وانتظر الاجابات..

__________________