والله ما انفهرت قد ما انقهرت أكثر شي عليكي يا أختي سنديان ... كان الله في عونك يعني الحركات لما تكون من زوجة الأخ بتصبر الوحدة بس المصيبة لما يكون الأخ نفسه في صف زوجته ... الله المستعان ... من قلبي بدعيلكم كلكم إنو ربي يصبركم ويهدي زوجات إخوانكم ...
أنا أخوي لسا ما تزوج بس والله ساعات بحمل هم هالموضوع ... بس أملي وثقتي بالله أكيد كبيرة وأهم شي ان شاء الله لما بدنا نشوف عروس أول وأهم شي فيها حيكون الدين والأخلاق ،،، والاستخارة ما بتخيب الإنسان ...
أنا عن نفسي بكون زوجة أخ لخوات زوجي وهو ما شاء الله عنده أربع خوات الكبيرة فيهم من نفس سني .. وأنا وياها خوات وحتى أخواتو الصغار كتير بحبهم وبحب إنهم ييجوا عنا .. وحماتي الله يديمها لي مثل أمي بالزبط .. والله يا بنات بدعي دايما من كل قلبي إنو الله يرزق كل بنت مثل حماتي وأهل زوجي .. كلهم على راسي والله ... وفعلا زي ما قالوا بعض الأخوات إنو كفاية منهم إنهم أعطوني أغلى ما عندهم وهو (ابنهم) اللي تعبوا عليه وربوه كل هالسنين .. فأنا لازم أردلهم الإحسان بالإحسان ...
والله كتير بستغرب من الزوجات اللي بيسيئوا التعامل لأهل الزوج ... والله ما بعرف كيف بفكروا وشو رح يحصلوا من ورا هالتعامل غير خراب البيوت ... بعدين الوحدة ما بتفكر إنو في يوم ممكن هيي نفسها تيجيها وحدة تاخد ابنها منها ... بس الظاهر ما عندهم عقل يفكر والله أعلم ..
برجع وبقول الله يهديهم كلهم
__________________
RoOd
(كل الشكر والتقدير لك حبيبتي على التوقيع)
