حبيبتي عبير الأحلام تسلميييييييين لي على ردك
تصدقين؟ أنا اكتشفت ان هو ما يبيله كثير...يعني السوق ملييييييييييييييان أشياء حلوه...بس يبيله وحده لازقه هناك كل يوم تروح تطالع على رواق
بس أنا مثل ما قلت ما عندي وقت كثير...خلاص الاجازه خلصت...يعني اللي بتخلص في 14 يوم أنا راح أخلصه في 14 اسبوع يعني 3 أشهر و نص ....هذا اذا ما فيه اختبارات..لأن أنا صراحه ما ودي أجي على نفسي و حياتي يعني ما ودي الويكند الوقت الوحيد اللي أقضيه مع زوجي و صديقاتي و أهلي...أقضيه كله في السوق....هذا عاد اذا ما عندي اختبار أقصد ...غير ان انا من النوع اللي ما اعرف اتسوق الا على رواق...اذا زحمه معرف أشتري شي...و تعرفين بالويكند غالبا زحمه ...يمكن الصباح بس هو اللي مروق شوي...فهو الوقت اللي ممكن يناسبني

عموما انا قررت مثل ما قلتي كل ويكند أصحي امي و اختي و غيرهن من صباح الله إذا مداني و أسوي جولات ميدانيه...عجبني شي اخذته..ما عجبني شي عادي يمديني باقي سنه (قصدي 10 أشهر )

أنا أكثر شي راح أطالع قمصان النوم و الأشياء الكلاسيك اللي ما تتغير موضتها

العبايات و المكياج و العطور ودي آخذ أشياء جدد..يعني آخر ألوان و آخر عطور و كذا

مفرش السرير أنا توني أدري انه العروس تشتريه....على بالي الرجال يشتريه مع السرير ...عموما ما أحس فيه فرق يعني أغلب الظن احنا راح نختاره مع بعض...و أنا عموما من الحين اذا رحت محل يبيع اكسسوارات بيت و تعجبني أشتريها....نفس الشي بالنسبه لطقم الحمام....حاطه عيوني على واحد ألوانه مناسبه مره...بس البياع قال لي اصبري في رمضان بيسوون عليهم تخفيض...فأنا قلت راح آخذه ان شاء الله...لأن أخاف بعدين يشيلونه

باقي الأشياء في الترم الثاني راح أبدأ فيها

و بالنسبه للناعم و الفخم...أنا أحس كل شي له وقته فالواحد المفروض ينوع و ما يركز على شي معين...لأن مثل ما قالوا لي البعض ان بعد الزواج بعد فيه طلعات للسوق و حركات يعني أحس أهم شي يكون عندي الأشياء المهمه و كم شي ناعم و كم شي فخم و بعد الزواج ان شاء الله اذا احتجت بعد السوق موجود ما بيطير




مشكوره اختي على الرد
تحياتي

__________________

تنبه هام:

مشاركاتي تدل على آرائي الشخصيه..اللي نابعه عن أفكاري و تجاربي الشخصيه...و ممكن انها تتأثر بحالتي المزاجية في تلك اللحظة.. ...يعني اللي يبي يسمعها يسمع و اللي يبي ينفذها ينفذ على مسؤليته الخاصه و اللي ما يبي حياه الله يدخلها من اذن و يطلعها من الثانيه


اعذروني اذا طنشتكم و ما رديت...تراني اسم على مسمى...يعني في الشهر مرة داخله لكم طيب؟؟؟