يو يو أنا شكلي بأصير كذا
لازم ألحق على عمري
أنا يعني أمشي حالي أعرف أطبخ كم شي..و أعرف أغسل صحون..و أنظف...و أكوي....بس ما اعرف أغسل ملابس....لكن هالأشياء ما أستمتع فيها أبدااااا....أعرفها بس من باب ان الواحد المفروض تكون عنده خبره...يعني على قول امي نتعلم الصنعه و نرميها في البحر

عموما اختي مهما كانت هالشغلات غثيثة و مقرفه بس يعني سنة الحياة لازم نسويها...يعني حتى لو زوجك يقول لك الحين عادي...هذا لأنه في بيت أهله مو قاصر عليه شي...بس بكره تطلعون في بيت بروحكم و بيكتشف القصور و عاد وقتها صعب تتعلمين....تعلمي الحين أحسن شوي شوي...و أهم شي انك مو ملزمه يعني إذا يوم مالك مزاج محد راح يحاسبك...و صدقيني زوجك مهما قال..أول مره يذوق شي من يدك راح يمدحك لبكره الصبح و لو انها طبخه فاشل

و مثل ما قلتي رمضان جاي خذيها حجه...لا تنتظري أحد يطلب منك انتي ادخلي المطبخ و خل عيونك على خالتك اذا احتاجت شي قولي لها انا اجيبه...خلصت من شي اغسليه..طاح شي على الأرض امسحيه...أو بس راقبيها و هي تطبخ خذي منها سر الطبخه..و اذا ما رضت لك قولي لها "وش دعوه ما تبيني أغلبك؟؟" مزح يعني مو تقولينها جد...بعد ما تخلصون أكل ساعديها في لم الصحون و كذا و مثلا سوي انتي الشاي (ترا ما يبيله شي)

الطبخ أنا صراحه أكرهه بس فيه طبخات تكون سهله و خفيفه و اللي يشوفها يقول يبيلها شغل...ابدأي بهالحركات...المنتدى فيه طبخات..و النت مليان و الكتب بعد ممكن تنفعك

__________________

تنبه هام:

مشاركاتي تدل على آرائي الشخصيه..اللي نابعه عن أفكاري و تجاربي الشخصيه...و ممكن انها تتأثر بحالتي المزاجية في تلك اللحظة.. ...يعني اللي يبي يسمعها يسمع و اللي يبي ينفذها ينفذ على مسؤليته الخاصه و اللي ما يبي حياه الله يدخلها من اذن و يطلعها من الثانيه


اعذروني اذا طنشتكم و ما رديت...تراني اسم على مسمى...يعني في الشهر مرة داخله لكم طيب؟؟؟