حبيبتي
عذرا لاني توني داخله النت
يالغالية ثلاث سنوات مو كثير
بس انا باقولك
حالتي كانت مثل حالتك..اعاني من
1-هرمون الحليب المرتفع جدا..
2- ضعف بالتبويض
3- تكيس في المبايض ناتج عن كثرة الادوية والمنشطات التي لم تؤخذ بنظام
4- ميلان بالرحم او انقلاب
رحت لدكتورة قالت لي ناخذ علاج هرمون الحليب دوستنكس واستخدمته والحمدلله خف الهرمون
لكن ظهرت مشكلة الضعف والتكيس وللعلم التكيس ناتج عن استخدام خاطئ للمنشطات
المهم
بديت علاج وانا موقنة ان الله اذا كتب شي راح يصير
رحت لدكتورة سوت لي الفحصوات الي سويتيها نفسها
وبعدين بديت معها باخذ منشطات بجرعات خفيفة مع العلم ان عندي تكيس
بس هي قالت ان التكيس يزول باذن الله مع الحمل دون عملية وقالت لاتستعجلين بالعملية
لان لها اثار سلبية اتمنى انك تكونين تجاوزتيها الي هي الالتصاقات
بعد المنشطات سوت لي اشعه وقالت عندك ميلان بالرحم شديد يحبس الحيوانات المنوية من المرور للقنوات
هي قالت يكون الجماع بشكل معين
بس انا رحت لوحدة ومرخت عندها او مسدت بطني
والحمد لله من ثالث يوم تعدل الرحم وبفضل الله شافت الدكتورة هالشي على الاشعة
المهم انا عالجت شهر وتركت شهرين وكنت امرخ بس
الشهر الرابع رجعت للدكتورة
سوت لي اشعة الصبغة وهي مهمه للتاكد ان ماعندك مشاكل في الرحم او القنوات
واحيانا سبحان الله يكون فيه انسداد بسيط تفتحه لك بحول الله
واخذت ابر منشطة وكلوميد وبعدين ابرة تفجير
وبعدها تثبيت عشان الحمل
واحلف لك بالي خلقني اني ماكنت متخيلة اني راح احمل لا ومافكرت بالموضوع الا كنت افكر كيف
اوفر عشان الشهر الجاي اعالج ثانية لان علاجي فعلا مكلف
وتفاجات يالغالية بالحمل
اسال الله انه يسعدك ويهون عليك
وعذرا للاطالة لكن حبيت انقلك الي صار فيني
وبالنسبة للجلوكوفاج انا سمعت انه يعالج التكيس
بس هو يصرف اكثر شي للسمينات
وللعلم اذا كان وزنك زيادة حاولي تخففين لان السمنة تمنع الحمل وتزيد التكيس
والرياضة مهمة حتى لو انت مو سمينه لانها تخفف التكيس كثير
طمنيني عليك عسى ربي يطمن قلبك