اقتباس:
|
المشاركة الأصلية كتبت بواسطة *&* لولو *&*
اخوي انا عارفه ان فيه كثير يطلبون مهر عالي ...
لكن المهر وبكل اسف المجتمع اللي حدد قيمته ولا يرضى يتنازل عن ريال واحد منه ... عارفين ان هذا غلط .. واكيد ان اعظمهن بركه ا اقل مؤونه ...
لكن في مجتمعي انا مثلا .. المهر للبنت مايقل عن اربعين الف ريال واذا وصل ستين الف هذا كرم من العريس فقط.. وطبعا لازم الشبكه .. ولافيه ولا شاب من المجتمع هذا يفكر لما يتقدم انه راح يدفع اقل من المبلغ هذا .. ويدفعه من غير تفكير ولو اضطر يتسلفه علشان يدفعه .. يعني ضروري فيه مهر متعااااارف عليه بكل اسف .. فيه حالات تشذ عن القاعده هذي وفيه كثير منهم لكن نرجع نقول فيه مهر محدد متعارف عليه ...
في جماعتك كم تدفعون مهر مثلا ؟؟؟ وانت ماله داعي تكلف على نفسك شي ماتطيقه ولاتقدر عليه ..
مشكلتك الحاليه كيف تبحث عن عروس ... لاتطلع برا جماعتك .. اكيد بتلقى اللي تناسبك .. مو ضرروي واحد من الجماعه مادي وشروطه صعبه كلهم يكونون مثله ... الأخوان وهم الاخوان يختلفون عن بعض كيف لو كانوا قرايب ...
الله يعينك ويساعك ويجمعك ابنت الحلال اللي تسعدك ... واللي كاتبها الله لك بتتزوجها بالوقت اللي كاتبه الله عزوجل ...مافي شي بيقدمه او يأخره ..
وبالتوفيق
|
اهلين اختي
اولاً شاكر لك أهتمامك
اختي مهر 40 معقول ومنطقي ادفع 40 مو مشكله بالعكس 40 مقدور عليها
ولكن المهر في جماعتنا وقبيلتنا يصل الى 80 الف
وانا والله مب بخل ولا حب لدنيا والمال يوم مدفع 80 بس ماعندي من وين اجيب اروح اسرق عشان اتزوج اليد قصيره والعين بصيره قسم بالله ان الفلوس ذي عجزت لحبها ودي احبها واصير حريص عليها عشان اعيش بس ماعرف
انا بأخذ قرض واحد 60 الف يعني يبقى من الراتب 2200 يدوب تكفيني مصاريف لي انا وشريكة حياتي صعبه اني بأخذ قرضين عشان اتزوج كم يبقى 1000 ريال وش يسوي قسم بالله مايجي اسبوع من استلام الراتب الا وحنا رايحين فيها
وش الفايده اذا كان الواحد غني وعنده فلوس ويدفع مهر كبير بس انه بخيل وحريص على الدنيا
انا اعرف ناس رواتبهم 15 الف مقصرين على انفسهم وعلى اهلهم
أدري انا المجتمع هو السبب ولكن يجب ان نغير المجتمع
يجب ان نراعي الوقت .. والظروف خاصة ظروف الشباب
يجب على البنت ان تدخل وتناقش ولي أمرها
يجب ان نغيره هذه النظره بي طريقه
لكي نقضي على العنوسه
اختي لولو الله يجزاك خير واله يوفقك