السلام عليكم ورحمة الله أخوي Just a Human

أي علاقه بين اثنين لازم راح يكون فيها خلافات لأسباب عديده منها انكم من بيئتين مختلفتين... فلا تتزقع انها تقدر تصير نفس ما انته تبغيها اتكون بالضبط ولا انت بتقدر تتغير تغيير جذري عشانها...

وبعدين دايما لا تنظر للموضوع من ناحيه وحده... قلت مثلا انها اتقلل من احترامك... أو اسلوبها معاك مش ولا بد... طيب ما سألت نفسك ليش؟! يمكن انته بعد في نظر البنت اسلوبك معاها شين... ما تدري

وبعدين ليش يكون بينكم معارضه فالكلام؟! ليش ما تعتمدون اسلوب النقاش بدون شد أعصاب... واتحاولون توصلون لراي او حل يرضي الطرفين...

ومن ناحية انها من اسره منفتحه... صدقني البنت تتغير بعد الزواج وتتأقلم مع حياتها الجديده... (طبعا مو كل البنات, بس الأغلبيه)

وبعدين نصيحه... فكر بعقلك وخل العاطفه على صوب... بس لا تظلم بنت الناس معاك...

وبعدين يا خوي ليش ما اتصلي استخاره... فما خاب من استخار.... صدقني بترتاح من هالهم وربك بيهديك للطريق اللي فيه الخير والصلاح واذا كان لك نصيب فيها بتاخذها وان مالك نصيب الله بيعوضك باللي أحسن منها ان شاء الله

تمنياتي لك بالتوفيق...