صراحة أنا ما قدرت أكمل كل الردود
ضاق صدري تخيلت أخوات زوجي يقولون عني كلام زي كذا

تدرون أنا عكسكم أحس أم الزوج و خواته دايم يحطون في بالهم ان هالبنت بتجي تاخذه من عندهم فهم من البدايه يعاملونها على هالأساس و يتصيدون عليها الكبيره و الصغيره
يعني انا أشوف حريم بنتها تنام للساعه 4 العصر و عادي عندها و لو زوجة ولدها صحت يوم الساعه 12 الظهر تقول عنها كسلانه و ما تهتم في زوجها و بيتها و كذا

أو ممكن السالفه تكون من الطرفين يعني أهل الزوج يتوقعون انها راح تغير ولدهم عليهم و الزوجه تتوقع ان هم ما راح يعطونها وجه فكل طرف يتصرف بمبدا أتغدى فيها قبل ما تتعشى فيني


عموما في النهايه كله يعتمد على الشخص و نفسيته و تربيته...و لا تنسون ان اخت الزوج راح تكون يوم زوجة أخ...و زوجة الأخ راح تكون يوم أخت زوج....و في يوم من الأيام كل الثنتين راح يكونون امهات أزواج


أختي لا تعممي...إذا زوجة أخوك فعلا كذا فهذا خلل في شخصيتها هي....مو لأنها زوجة أخوك...بس مو معناها ان كل زوجات الاخوان كذا.......و ما دام اخوك مرتاح معها و راضي فيها......اعذريني....بس صراحة....ما لكم شغل فيهم

__________________

تنبه هام:

مشاركاتي تدل على آرائي الشخصيه..اللي نابعه عن أفكاري و تجاربي الشخصيه...و ممكن انها تتأثر بحالتي المزاجية في تلك اللحظة.. ...يعني اللي يبي يسمعها يسمع و اللي يبي ينفذها ينفذ على مسؤليته الخاصه و اللي ما يبي حياه الله يدخلها من اذن و يطلعها من الثانيه


اعذروني اذا طنشتكم و ما رديت...تراني اسم على مسمى...يعني في الشهر مرة داخله لكم طيب؟؟؟