أخواني أخواتي الكرام

أحيكم بتحية الاسلام


السلام عليكم ورحمة الله وبركاتة .........وبعد


قصتي وبختصار أنا حاس ان ابوي مخطط هو وعمتي انه يزوجوني بنت عمتي

واحساسي هذا ما جاء من فراغ

ابوي باخر مرة لمح تلميح صريح " مو تلميح الا تصريح وبالفم المليان بعد"

لانا كنا جالسين انا و ابوي وخالي واخوي

وكنت اصب القهوة لهم وجاب خالي سيرة الزواج كان يتكلم عن واحد حضر زواجه
المهم انتهت السالفة وقال خالي هاه ياحمد انت ما تبي تزوج
أبوي لحظتها
تتدخل وقال "لا حمد نبي نزوجه من بنات عمته"


انا طبعا مااقدر اقول شي

وش سويت انسحبت وطلعت بره


هذا اقوى تصريح وفيه بعد اشياء ثانية

اذا جت عمتي عندنا وجلست كم يوم
كله تكلم عن بنتها

فلانه جت وفلانه راحت وفلانه سجلت بالكلية الفلانية وفلانه سوت

كن ما في هذا البلد الا هالبنت


وبعدين مما تتكلم عنها الا اذا جيت انا


تصدقون مرة كنت انا وياه نسوالف وناخذ ونعطي فاجاة وبدون مقدمات جابت طاري بنتها
انا على طول نحشة قلتها تذكرت عندي موعد الحين


صراحة البنت ما يعبها شي بس
انا من كنت صغير وانا اعتبرها مثل اختي


وبيني وبينكم انا حاط عيني على وحده من الجماعة ما ابغى بنت عمتي




ياناس قولولي وش اسوي ؟؟
المشكلة في ابوي

ابوي ما عنده تفاهم عصبي لدرجة غير طبيعية "ناااااااااااااااااااااار"

على طول خذوه فغلوه


تصدقون اخوي متزوج بنت عمي بالغصب ؟؟بعد ما لعن خيره ابوي ونكد عليه عيشته


انا اخاف افتح هذا الموضوع يفتح علي ابواب جنهم ويكفر فيني

لا احد يقولي كلم امك

لاني اذكر اخوي يوم يترجى امي علشان ما يزوجه بنت عمه

يعني

امي لاحول لها ولا قوة



باقي سنه على تخرجي من الكلية واخاف يوم التخرج يفاتحني ابوي بالمموضوع!
واذا سكتت اكلت هواء
انا مابي مشاكل على اخر سنه من الكلية
لانها مهمة جدا






ياناس قولولي وش الحل ؟؟

والله لو ارفض الزواج احس ابوي راح يطردني من البيت


طبعا هذا كله اشياء تؤكد ان أبوي مخطط على اني اتزوج بنت عمتي


ياااااااارب ساعدني ياااااااااارب

والله العظيم اني ما اقدر انام بعض المرات اذا جيت افكر بالموضوع

ساعااات افكر اني احذف ترم علشان تتطول فترة دراستي ؟

وساعات افكر اني اروح عند عمتي واقولها ما ابي بنتكم
وافكر بعدها بردة الفعل واتردد
لاني اتوقع بعدها يجي ابوي ينكد علي عيشتي ويعاملني معاملة اليهود مثل ما سوى مع اخوي

والله لو اقولكم ايش سوى مع اخوي حتى وافق؟؟ راح تتطير عقولكم



يااارب سامحني يارب ساعدني



قولولي ايش اسوي وماهو العمل وماهو المخرج؟؟؟؟