تمسكي في زوجك وما تعطيه مجال انه يفكر فيها او حتى يكلمها

كوني انتي كل شي في حياته ولا تخليه بروحه فتره طويله واذااضطريتي انك تخليته اتصلي فيه بين فتره وفتره او ارسلي له مسجات

يعني ما تعطيه مجال انه يختلي بنفسه ابدا ولا تعطي مجال للشيطان انه يوقع بينكم والشيطان شاطر في هالسوالف

وما اعتقد انك اذا قلتي لأهلك او اي شخص بيفيدوك بشي بالعكس بتكبر السالفه والله يعلم كيف بتكون النهايه

انتي جلسي معاه بعد ما تسوي له عشى رومنسي وشموع وحركات وللمره الاخيره تناقشوا في الموضوع و

خليه يوعدك ويحلف لك انه بيقطع علاقته فيها

اما عن الخبره والدراسه فيه مية طريقه وطريقه ومو شرط هالبنت يكلمها ويسالها

وبعدين انتوا في بداية حياتكم لا تخلي اول مشكله توقف في طريق سعادتكم صحيح ان هالمشكله مو صغيره و

ان الشي اللي سواه كبير بس هالشي يعتبر من الماضي وحاولوا تفتحوا صفحه جديده وخصوصا انكم عيال عم يعني اذا

كبرت السالفه ممكن تاثر عن علاقة العائلتين فكري فيها

وانا اشوف اذا فكرتي تجيبي بيبي الحين احسن عشان تنسيه البنت الثانيه ويهتم فيك اكثر يعني كل وقته بيكون معك

بما انك بتكوني ام اولاده صدقيني ابصم لك بالعشره انه بينساها وبينسى طوايفها

واسمحيلي اذا طولت بس ما حبيت ادخل وما اكتب شي ..


والله يهنيك ويوفقك ان شاء الله ويصير زوجك ك وحدك وبس ولا يحرمكم من بعض .