السلام عليكم..
صباح الخير..
الحين لي ببيت اهلي من امس العصر والاخ قايل بمرك الليل نرجع لبيتنا ومن قفل جواله الى الحين الساعة 11 الصباح ماشغله؟!!
انا قررت برجع اضف اغراضي وارجع لبيت اهلي وخلها توطى على وجهه هي ماهي محترمة موب بس انا حتى هو ماتحترمه..
لعلمك يااخت لينا انا تحملت عياله اكثر من الازم..صح واجب علي اعاملهم زين واستقبلهم بس مو طول ايام الاسبوع كل يوم يجيبهم العصر ويرجعهم بالليل واحيانا اذا عطلة ينامون عندنا باليوم واليومين بغرفتي واحيانا على سريري علشان بس يقهر زوجته الاولى؟؟واذا جا يوم عطلته خذهم يمشيهم جدول لحسابهم ويجبرني اجي معهم حسب جدولهم او يخليني ببيت اهلي واذا اجبرته على جدول بترتيبي يروح وماوده ويرجع للبيت قبل ينام اشتقت لعيالي وياليتني جبتهم؟؟!!
انا ادري انه متزوج والمفروض ليلة لي وليلة لها موب تجلس عند اهلها وتتمشى معهم بالاجازة وتسافر معهم ووكل يوم والثاني ترسل عيالها من دون حتى ملابس ولا حليب ولا ترسل مسجات عيالك تعبانين وهي نصابة؟؟!!
انا تحملت اكثر من الازم ولا قلت كلمة شينة بحقه من يوم خذته وهي آخرته الاسبوع اللي راح داقة عليه قدام زميلاتها بالعمل تقول ياخي وش تبي فيني ياللي فيك وفيك (تهمات قوووووية) وماسوا شي غير انه سكر السماعة!!
هو تعود على الوطية وصار مثل الكورة كل ماانرمى اكثر رجع اكثر..
انا بجلس عند اهلي معززة مكرمة ولا عاد ابيه وبقول له هالكلام اليوم..
والله يخلف علي..واهم شي الواحد مايصير على نياته ولا يعامل الناس مثل مايحب يعاملونه..
الدنيا غااااابة
صحيح انه قبيلي وانا لا بس هالشي كان معروف قبل لا نتزوج ولا كان فيها مشكلة اهله واهلي راضين وهي ماسكة عليه هالنقطة..صحيح انه ماعبر كلامها ولا اهتم برايها لكن مستحيل يمر يوم ماتعاير بهالموضوع لفظا او كتابة..
وانا ماسكتت وانا بذمته 6شهور علشان اصبر واسكت بكرة اذا رزقني الله عيال وعايرتهم او سبتهم..
الحمد لله مابعد تورطت بعيال والحمد لله كل كلامها عني كذب وافتراء..يكفي انها متهمة زوجها انه كان على علاقة معي وهذا اللي خلاه يتورط على قولها ويتزوجني!!يعني اذا هو ماسلم منها وش بنتظر منها وانا ضرتها؟؟
انا ماعلي منها اذا كان هو كفو ويقدر ياخذ حقي..ويرجع يقول لي انتي تحملتي بالاول وتعودتي على كلامها خلاص تحملي؟!!
ولعلمكم الموضوع اكبر من ماتتخيلون..سبها لي مو بكلام عادي كلامها وصل لحد القذف بس اني اقول حسبي الله ونعم الوكيل ولي رب مايضرب بعصا..
وليتها تقول لاهلها وبس تقوله لاهله واهله يقولون نسفهها لانها سفيهة وترسل له مسجات تشككه فيني بس هو واثق فيني ويقول اسفهها لانها سفيهة وفي النهاية يبيعني ويشتري اللي وطت على كرامته واللي شوهت سمعته واللي تفلت في وجهه..
اللهم اجرني في مصيبتي واخلفني خيرا منها والله يثبتني
قسم بالله ماقدرت انام اكثر من ساعة من قومتي امس الساعة 9 الصباح من القهر..
ابيه بس يذكر لي شي واحد يستاهل انه يقفل جواله ويطنشني وهو كل يوم اذا جا ينام مستحيل يقفل جواله واحيانا يخليه سايلنت..

اعذروني بس ماعاد اركز..
وادعو لي في هالجمعة )":