أنا عن نفسي أغتبر زوجي صديقي يعني معظم الأحيان هو يكون أول شخص ألجأ له لما أكون متضايقه أو محتاره و كمان صرنا نشارك بعض في الهوايات و الاهتمامات يعني أنا على آخر عمري صرت أشاهد كوره و أقرأ شعر
أكثر شي أحبه لما نقعد مع بعض و نسولف عن كل شي و أي شي ساعات تكون سوالفنا سخييييييييييفه بس مع هذا أكون مستانسه فيها
شغله وحده هي اللي تخليني بعض الأحيان أتردد أشكي له و هي إني مو دايم أضمن رد فعله يعني مثلا لو إن واحد من إخواني سوالي حركه ثقيلة دم (كلهم ثقيلين دم يعني طبيعي إن تصدر منهم حركات ثقيلة دم ما هو شي غريب ) و إذا قلت لزوجي عنها مو ضروري يكون قصدي إن ودي يسوي شي يعني أنا بس أكون أسولف أو أفضفض هو عاد يصير "لااا و أنا لازم أكلمه و مدري أيش" أقول له" الشغله أصلا ما تستاهل" يقول لي "لو ما تستاهل كان ما تضايقتي ولا تقولي إنك مو متضايقه لأن لو مو متضايقه كان ما قلتي لي" حتى إني قلت له ثاني مره ما راح أقول لك أجل ما دام بتكبر السالفه" بس ما أتوب مع هذا أرجع أقول له شأسوي إذا كنت وحده أحب أتكلم و ما أعرف أقعد ساكته؟؟؟؟؟؟؟؟؟؟؟؟؟؟ المشكله أيش؟ إن أنا أتكلم كثير بس هو مو قادر يفهم إن مو كل كلامي وراه دلالات أو إني أقصد من وراه شي يعني أحيان كثير يكون كلام فاضي ما له معنى بس شي جاء على بالي و قلته
عموما مهما تكون درجة "صداقتي" مع زوجي هذا ما يمنع إن فيه أشياء ما ينفع أقولها له مثل ما قال الأخ الكوتش

__________________