تبون أشرح لكم بالضبط طريقة القياس ؟؟
أول ماتحسي بالطلق وتروحي المستشفى..
تلبس الدكتورة قفاز .. وتحط جل على القفاز بأكمله وليس اصبعين فقط..
والسبب انها لأخذ القياس تدخل كامل يدها..
إذا رخيتي نفسك راح يكون الألم خفيف ..
بس إذا أعصابك مشدودة .. أكيد بيكون أقوى ..

بالنسبة للخياطة..
دايما يعطون بنج..
لكن احيانا البنج مايأثر كثير..
ربما يحتاج لزيادة الجرعة..
والإحساس يكون صعب ..
ليش ؟؟
لأنك تحسين بالخيط وهو ينسحب .. وتتخيلينه ..
فالتخيل هذا هو اللي يخوفك أكثر ويزيد ألمك..
وإلا الألم نفسه مو كثير ..
لكن بعدها ماتقدرين تقعدين عدل .. بسبب الجراحة..
أنا عن نفسي ما قدرت اقعد بطريقة طبيعية بسبب آلام الحوض .. لأنها كانت طاغية على آلام الجراحة..

ليس شرطا أن تكون ولادة البنت اصعب وولادة الولد بسيطة وخفيفة..
أنا أنجبت أبنتين..
الأولى جاءني الطلق الفجر وولدت الساعة الواحدة والنصف ظهرا ..
أما الثانية فجاءني الطلق في نفس الوقت ( الفجر ) وولدت الساعة الثامنة صباحا ..
شوفوا الفرق..

إبنة خالتي..
ولدها الأول من الساعة 5 الصبح إلى التاسعة والنصف مساءا..
أما ولدها الثاني فخلال ساعة واحدة من ذهابها إلى المستشفى..

أي استفسار آخر أنا بالخدمة..
بس والله الولادة حلوة لما تتذكرينها ..
وكأنها حلم ..