السلام عليكم ورحمة الله وبركاته
أول شي أحب أطمنئك أنا كرجل أن المشلكـة سهلة للغاية .. ومافي مشكلـة من الأصل .
بالنسبة للسمار < السمـار فيه جاذبيه .. دايما السمره تكون جذابه ، البيضة < حلوة بس مافيها جاذبيه
ثاني شي بالنسبة للجمال < الملابس تخلي أي بنت حلوة (خاصة إذا كانت الملابس من ماركات) < لان الماركات تجي مضبوطه على الجسم ، أما الملابس اللي تكون اسعارها قليله < أول شي معظهم مايغير ويعطي جمال للبنت مثل الملابس اللي تجي من نعومي ولا برمود ولا غيرها من الماركات ، ثاني شي < ذي الملابس يمكن تشوفيها حلوة في العرض بس لما تلبسيها تفرق وماتطلعه حلوة بعكس الملابس اللي في الماركات < تصمميها صح (غير أنها أهم شي تعطي شكل ثاني )
الشعر < والله أعرف شباب كثير شعورهم خشنه ويشتروا من السوبر ماركت كريمات تنعم الشعر ، وانا قد جربت الكريمات اللي في السوبر ماركت والله انها حلوة وتعالج مشكلة الشعر بكل سهوله وتسيح الشعر < استخدميها دايما بعد الاستحمام ) ، من الكريمات اللي جربتها كريم صانصلك بالحنه < يسيح الشعر ويعطيه لمعان غير انه ريحتة حلوووة موووت ، بس أحذري تتسعملي الجل < لان الجل ييبس الشعر مايسيحه يخليه يابس وبعد فترة راح يخرب شعرك وانا مجربه بنفسي .. غير أن في كريم أحسن من صانصلك بس مالقيته في السوبر ماركت لانه قليل ولا اعرفه اسمه واطلق من صانصلك بمية مره وميزة كريم صانصلك أنك تلاقيه في أي سوبر ماركت منتشر في كل المحلات يعني أي محل أربع وعشرين ساعة تلاقيه فيه .
بالنسبة للجمال < تعريفة : الجمال هو جمال الروح وأنا سمعت شريط للدكتور طارق السويدان عن جمال الروح في اشرطه له اسمها قصص واقعيه منها قصة عن جمال الروح مختصر القصة أن في واحد سمع أن أمام مسجد يقول في خطبه جمعة الجمال جمال الروح والجمال الظاهر راح يزول ، فيوم جاء يتزوج وحدة فقال له اخوها ماني معطيك اختي قال له اكيد اختك ملكة جمال لانك مازوجتها احد جو كثير يخطبوها بس ماوافقت قال لا والله ان اختي شيييييينه وماابغى ازوجها اي احد عشان مايظلمها قال له طيب انا ابغى اتزوجها قال له ماراح ازوجك ايها ماراح تستحمل العيشه معها اختي شينه قال له طيب انا باخذها وقام يقول له عن اللي سمعه في خطبة الجمعه عن ان الجمال جمال الروح وان الجمال ذا زائل ووافق اخوها وتزوجها يقول زوجها والله اول ماشفتها ماقدرت اطالع في وجهه شينه مررررره لدرجة اني ماني قادر اطالع في وجهها ماتوقعتها لذي الدرجة شينه بس قالت مالها داعي مااطالع وسويت نفسي عادي وقام يطالع فيها عادي المهم ومرت الايام وقالت له شوف تبي تتزوج علي تزوج بس امانه لاتتركني قال لها طيب والبنت ذي كانت صالحه وكامله من كل النواحي عيبها الوحيد انها شينه مره المهم دعت البنت ان الله يرزقها بعيال حلوين وجابت له ولدين احلى من بعض لدرجة ان كل اللي يشوف الولدين يقول قدامه أكيد أمهم ملكة جمال وهو يقول لهم والله انها شينه بس الجمال جمال الروح ومع الوقت صار يحب زوجته ويموت فيها لدرجة انه ماتزوج عليها وعاش معها طول عمره < والقصة ذي قصة واقعيه .
وأنا راح أثبت لكم أن الجمال جمال الروح : أنتم يابنات إذا شفتم بنت في المدرسة ولا الكلية روحها حلوة :
1 - إذا كانت البنت حلوة < مع روحها الحلوة تقولوا أنها مو حلوة ملكـة جمال (مع أنها ماهي ملكة جمال ولاشي)
2 - إذا كانت البنت مملوحة < مع روحها الحلوة تقولوا أنها حلوة (وهي في الاصل مملوحة)
3 - إذا كانت البنت شينة < مع روحها الحلوة تقولوا والله أنها مملوحة ومافيها شي (وهي في الاصل شينه)
وإذا جاء يوم زعلتوا :
1- إذا كانت البنت حلوة < والله أنها ماهي حلوة شوفي الحبوب اللي في وجهها أو شوف كيف خشمها أو ركزي في عيونها .. الخ وتقول هي صح مملوحة شوي بس ماهي ذاك الزود (سبحان الله لما يزعل الواحد يشوف عيوب ماقد شفها في البنت واذا كان يحبها (يصير أعمى مايشوف شي) ) < كل هذا يثبت أن الجمال جمال الروح
ونفس الشي يصير معنا حنا الشباب مع جمال الروح نشوف الشخص أحلى وكلما كنا نحبه كل ماشفنه احلى وكل ماصرنا عمي أكثر .
وأخيرا ٌ : عليك بثقيف نفسك في ذا المنتدى عن كيفية التعامل مع الزوج و كيف تسعديه وكيف تجددي من نفسك < لان الزوج يحب الزوجة المتجددة واي شي تقريه في المنتدى < كاتبه واحد رجال أعرفه أنه صدق ( يعني إذا قال أنا أحب أن المرأة تسوي كذا معناه أن كل الرجال يحبوا كذا وانا مواضيع كثير قريتها في المنتدى وحسيت أن حلوة وقلت ياليت كل البنات يسوا زي ماقال )
غير كذا حتى إذا بنت قالت موضوع عن أشياء يحبها الرجل تأكدي أنها صح بس الرجل يخليك تتاكدي أكثر < لاني والله قريت موضوع للبنات في المنتدى عن الرجال والله انهم صادقين بس لاني دايم إذا قريت موضوع كتبته بنت عن البنات أحسن انه من جد واتاكد اكثر من لما يكتبه رجال ، لكن بعد ماشفت موضيع كتبوها بنات عن رجال وحسيت انها صدق وقلت ياليت كل البنات يسوا زي ماتقول ذي البنت فغيرت تفكيري وصرت اي موضوع أقراه عن البنات اعرف انه صدق واتاكد .
معليش على الاطالة في الكلام
وأنتظري موضوعي إنشـآء عن الاشياء اللي يحبها الرجل في زوجته وراح اتوسع في ذا الموضوع بأذن الله وأدعي لي بالزوجة الصالحة .