زي ما بيقولوا عندنا في مصر
رجلك على رجل جوزك
حبيبتي ،، مش تخلي جوزك يسافر لوحده خصوصاً إنه حابب إنك تكوني معاه ،، شغلك حتى إذا كانت الأجازة هتتخصم من المرتب ففدا جوزك
و إبنك إذا فاتته حاجات كتير إحنا يا ستي لسه في أول السنه و تتعوض إن شاء الله و ممكن تبقي تذاكريهاله و انت معاه هناك و من الآخر يا أختي الغالية دي حضانه مش بكالوريوس
أما بنتك فصدقيني هيه مجنناك هنا و مش هيحصل حاجه لما تجننك بالأمريكي ، هههههههه ، ربنا يهديهالك إن شاء الله
أما البرد اتوصي بالملابس التقيلة و مش تقلقي وسائل التدفئة هناك كويسه الحمد لله
أختي الغالية ، دول 3 أسابيع تآمني فيهم على جوزك إن مش يتعرض لأي واحده كده و لا كده ،، مع احترامي ليه و إن شاء الله يكون راجل ملتزم و مش ليه في الخرابيط دي ، لكن يا غالية هناك همه اللي بيترموا على الرجاله ربنا يكرمنا و يحفظنا و يسترنا
مش تسيبي جوزك و روحي شوفي الدنيا و غيري جو و عفي نفسك و عفي جوزك و ربنا يصلحلك الحال إن شاء الله و إذا كانت دي المشورة فعليك بالاستخارة و ربنا يوفقك