ياهلا وياغلا فيك اختنا في الله
الله يفتحها عليك وعلى زوجك وعلى كل المسلمين
حبيبتي الوضع بسيط وسهل وهونيها تهون
بالنسبه لك خذيها ايجازه واحتسبيها عند الله لأنك رايحه مع زوجك حتى تصونيه عن الحرام
بالنسبه لولدك الله يحفظه ممكن تروحي الروضه وتبلغي المدرسه وتقولي لها تعطيك لو اشياء اساسيه اللي باخذوها الأطفال في هذي الفتره وانت عليك لما تسافروا تعطيه كل يوم الجزء اللي ياخذه يعني امشي الجدول مثل ماهو
المدرسه تعطيك الجدول والخطه اليوميه اللي هي عندها
على فكره المدرسه يكون عندها الخطه كامله ايش بتاخذ من قبلها بشهر
وانت لما يروح زوجك لعمله ابدأي برنامج اليومي مع ابنك مثل المدرسه
بالعكس عندك فرص هناك تساعدك
ولاتنسي تاخذي اشرطة قرآن تسمعوها
وبالنسبه للبنوته الله يحفظه
مافيها الا العافيه خذيها ومثل ماهي هنا هي بتكون هناك ويمكن احسن لأنك تقدري تخرجها وفي فسح للأطفال كثير ومره حلوه
وبالنسبه للبرد
جهزي ملابس وخذي معاك زنجبيل وكل يوم مع البرد اشربي انت والعيال وابوهم زنجبيل والله يدفيكم بإذن الله
توكلي على الله وروحوا ولاتضيعوها فرصه
تراها فرصه للجميع فرصه تغير جو الروتين
وبتفضل في بالكم واستمتعوا
ايش رايكم تاخذوني معاكم
وربي يسعدكم ويريح بالكم ويفتح عليكم
اختك في الله
__________________
لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني
إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا