المشاركة الأصلية كتبت بواسطة البحلة بالنفس

وضع ابوك رح يكون وحده من حالتين:

الاحتمال الاول:

اما انه متزوج باخرى (خصوصا انك قلتي انه يصرف عليها) بالسر او مسيار وفي هذه الحاله انا اقول الافضل انك تطنشين لانه في حاله مواجهته مارح يطلقها ورح يكون الموضوع علني وبيقول للناس وهذي اكيد ما تفضلينها وهو أخفى الموضوع عشان يتحاشا المشاكل مع امك ويمكن يبي يحفظ هيبتها قدام الناس مايبغا احد يشمت فيها ويمكن حتى هي عارفه بس اشترطت انه محد يدري ولا عيالها يدرون عشان ما تتضايقون ولا يشمت فيكم احد..

الاحتمال الثاني:

انه يكون يمر في ازمة منتصف العمر او كما يقال مراهق في الخمسين..

وهذي حالة صعبة ومعقده وبصراحه اشك انكم ممكن تمنعونه ولكن امامك خيار صعب اذا تقدرين تسوينه كان بها..

وهي انك تعلمين امك اذا كانت حكيمه وصبورة تتعامل مع الموقف واذا هي ضعيفه او عصبيه احسن خليها برا الموضوع
وواجهي ابوك لحالك..

اذا كان ابوك ما زال عنده طاقه ويرغب بالتجديد فهذا من حقه ولكن ليس بالحرام انصحيه انه يعود الى رشده واذا ابى فليتزوج اكيد ترضين بكل شي الا ان ابوك يقع في الحرام والزنا والعياذ بالله..

قولي له لازم تتزوج(شريطة ان العروس يكون عمرها ووضعها مناسب لعمر ابوك ووضعه الاجتماعي)..

بعض الاشخاص مايحب يكون معدد او ظروفه الاجتماعيه ماتسمح له..

خلاص يتزوج مسيار محد يدري ولاحد يشمت فيكم ولا في امك واغلب وقته يكون معاكم طبيعي وبنفس الوقت يفرغ شهوته بالحلال هذي امانه عليك انك تنصحينه ترا يوم القيامه بيحاسبك بيقول لك قدام رب العالمين دريتي عني وانا ابوك اللي حميتك طول عمرك ولا نصحتيني..

يمكن ربي اراد انك تفتحين الجوال عشان تكتشفين وتنصحين ابوك وتاخذين بيده لبر الامان..

صدقيني يا اختي يتزوج ابوك على امك اهون مليون مرة انه يعيش بالحرام وماتدرين يمكن ياخذها وبعد كذا يعرف قدر امك ويرجعلكم احسن من اول..

ولا تقولين امي مو مقصرة بشي فيه اشياء خفية انتي ماتدرين عنها يمكن امك فعلا مقصره وانتي ماتدرين او ابوك عنده طاقه ولا عينه زايغه وهنا يحتاج للزواج باخرى حتى يعف نفسه والتعدد لم يشرع الا لعفة الرجال من الحرام..

اما اذا زعل منك ومن تدخلك ورفض الزواج باخرى بشكل نهائي معناتها انه مو مسألة طاقه ولا تقصير..

معناتها انه حاب يلعب بذيله وهنا انا ارجع اقولك احسن شي النصيحه انصحيه وحطي له رسايل وفتاوي وارسلي له ايميلات لو هو عنده ايميل وبسس..

لا تقولين لامك ولا تفضحينه عند احد ماله داعي البيت يتشتت.. عليكم بنصحه والدعاء له الى ان يهتدي.. لكن مشاكل وصراخ وتهديد هذا رح يخليه يعاند او حتى يعطيه عذر للي يسويه اذا شعر بان اهله تخلو عنه وو..