كلٌ عآمٍ وأنتمْ بِخَير
اعاده الله علينا وعليكم بالمسرات
العيد فالسعوديه :
يماااااااااااااااه الشغاله وين ودت الشماغ , يمااااااااااااااااااااه طاقيتي ماغسلتوها , هييييييييييييييييه من طيح ثوووبي " توصل العيد وصوتك راايح "
العيد بكندا :
.................................................. .................................................. " توصل العيد وصوتك عادي "
شفتوا ان العيد بالغربه وش طعمه << يواسي نفسه ,, مالكم بالطويله
يوم العيد الصلاة بدري وبما ان بيتي بعيد لازم اطلع بدري طلعت الساعه 6 والدنيا ظلااام كأنها الساعه 1 بالليل وارووح بالباص للداون تاون ثم اخذ باص ثاني انزل على التيليكوم مكان صلاة العيد , طبعاً كالعاده العزابي اول واحد يحظر , وصلت في شق الصباح الاول
1- في بداية الناس يتجمعون , واذا ماخاب ظني بعد ماخلصنا مصلين كان العدد فووق 2000 شخص
طبعاً اللي بيضحوون متعاملين مع كندي عنده مزرعه وفيها الاضاحي وكل واحد حاجز , المهم رحنا بالسيارات وناوين نشوي ونقلقل ونطبخ فطوور يوم وصلنا ولا فيه عدد كبير وعرب وناس موب عرب ويضحوون فبعض الشباب الله يهديهم خذوا ضحاياهم ومشوا لمكان ثاني يطبخون فيه وبدون ما احد يدري
انا كـ شخص ماعندي اضحيه جاي عشانهم واعديننا بفطوور وحليب وشاهي << يالليل اللي يقدر الحليب صبح العيد
عـزاه يـادمــعـاً عـلـى الخـد رسـام III وعـزاه يـاقــلـبـاً مـن الـهـم مــطـعــون
ليت الضحايا دمهـا اليـوم مـرسـام III ونـكـتــب بهـا عـلـى الحـزن مـلـعــون
وبـمـلي عـلـى نـفسـي اليوم احـكام III وبترك رصيد الحزن هاليوم مخزون
تمنيت اشوف الغاليه لو بالاحـلام III وهـذا عـيـدي يـاعـيـد الايـام محزون
طبعاً قيمة الاضحيه 200 دولار و 20 دولار حق الصلخ والتقطيع / انت اذبح وانتظرهم يصلخون لك ويقطعونها لك
2- عملية الصلخ
3- الشباب متجمعين
4- خرفانهم ماتبرد القلب , بس والله ياهي انواع العنااد ماودها تموت << باللهي !
5- كووخ متهالك مهجوور قريب من المزرعة
طبعاً بعض الشباب ماقصروا عطووني لحم الله يعطيهم العافيه
يـاشـيـنـهـا لـلـي فـقـد لـذة الـعـيــد III وياشينها لـلـي فـقـد صوت غـالـي
لـولا فـراقـه مـاتـشـوف الـتـنـاهـيدIII ضاقات بصدر لو صدري شمالي
عيدك مبارك والحزن عيده سعيدIII وانـا عـلـى مـاقـيـل يـابـري حالي
---------------------------------------------------------
يوم رجعت البيت واسوولف مع الشايب والعجوز ونتعشى وحطيت اللحم بالفريزر ,, قالت لي العجووز عطني ايميلك وشيك عليه بعد 5 دقائق
عطيتها الايميل وراحت لاب توبها
واسوولف انا والشايب يوم رحت اشيك على الايميل واشوف رساله منها وفيها رابط طبعاً صورت لكم اذا فتحت الرابط وش يجي
1- الموجود فالرابط
ترجمة المكتوب :
عيد سعيد !! نحن نتمنى ان تستمتع بيومكم الخاص " او عيدكم الخاص " في كندا!
ارق التحيات بول و بيف
وطبعاً فـ اليوم الثاني قالوا بنسوي لك عشاء خاص من اللحم اللي انت جبته ,, وبعد العشاء جابت لي هديه العجوز تقول قريت عن عيدكم وقريت انكم تقدمون فيه الهدايا
2- الهديه وهي عباره عن :
قفازات + ايس كاب " القبووع الشتوي اللي على الراس " << احلف !
--------------------------------------------------------------------
في يوم من الايام كان ويك آند وراجع البيت بالليل بعد ماكنا متجمعين بالنادي السعودي
المهم كان مطر خفيف دخلت البيت وسولفت شوي مع الشايب ورحت غرفتي
بعد 40 دقيقه من وصولي البيت طق الباب علي الشايب وقال لي شف برا
يوم ناظرت مع الدريشه
والله موب اللي انت تبي يا ابو حميد !
كل الدنيا ثلج وكل شيء ابيض بابيض ,, طبعاً دعايه خفيفه للجزء القادم
1-
2-
3-
--------------------------------------------------------------------
ختاماً اعذروني ع الإطالة واشكركم على متابعتكم
" والله الله بالتقييم ترااه قصب ظهري الموضوع ><" "
انتظروا الجزء القادم وشكراً