اللهم فرج هم اخوتي وارزقهم من حيث لا يحتسبون
جزاكم الله خير جميعا ,,
كلامكم اثر فيني وبكاني وداواني اشكركم جميعا واشكر اختي متفائله
الحمدلله الحمدلله
اتمنى ان تشفى جراحاتي عاجلا
كل شي يذكرني فيه
انسى شنو والا شنو والا شنو
سبحان الله لهدرجه العشرة تهون عند بعض الناس ,,
انسى وعوده انه مايتركني
والا صوته وكلامه والا سوالفه الحلوة وكل شي كل شي كل شي كل شي
انا احس فيه وين ماروح
احسه بجسمي وعقلي وكل خليه بجسمي
انتظره
اسمع صوته
بكيته
ومدري لمتى راح ابكيه
حرق قلبي وراح
اخذ من حياتي اجمل سنينها ولحظاتها وراح ببساطه
حطم كل شي حلو فيني
شلون الناس تنسى بسهوله ؟
شلون ينسون الميت ؟
شلون اعيش بوحدتي وغرفتي الكئيبه ؟
شنو طعم الدنيا بدون الحبيب والانيس
اسمع كلام الناس ليش طلقها
يقولون مايبيها ,, جميله وصغيره وطيبه
اكيد مريضه او فيها نفسيه ,,
مايهمني كلامهم مثل مايهمني هو نفسه
اخذ من وقتي كثييير
شغلي الشاغل شلون اعجبه
شنو البس
شسوي بشعري
شنو اطبخ له
وشنو اقوله
بس
نسيت صديقاتي واهلي وكل شي
اتذكره هو بس
واخرتها راح بسهوله
حتى مافكر فيني
بمشاعري
كنت ابكي كل ليله
اقوله احس انك بتخليني
يضحك ويقول الله ياخذني ان خليتج
واخر شي راح ,,
انا ماكنت ضعيفه ابد
الا لما اشوفه
اصير اضعف انسانه
والحين اضعف واضعف
اللهم لك الحمد كما ينبغي لجلال وجهك وعظيم سلطانك
كل شي له حكمه
والدنيا كلها ماتسوى
ومحنا مخلدين بهالدنيا
فتره ونرحل
الله يغفرلنا ويسامحنا ويهدي بالنا
ماراح انساكم من دعائي
ولا تنسوني من دعائكم
اختكم في الله ,,