كبرتوا السالفه، أنا متأكده أن زوجة صديقك تعاني من عدم تعبير زوجها عن مشاعره
بعد يوم العيد حتى لو مايبغاها المفروض يقولها كلمه حلوه
والله بعض الزوجات الكلمه الحلوه اللي من القلب عندها أغلى من أغلى هديه
بعدين كيف يبغاها تفهم أنه مشتهيها وهو ماقالها شي
ترى كبت المشاعر هو اللي يسبب زعل يمكنها يوم شافته ماتكلم قالت أكيد شكلي ماعجبه خلني أروح بيت أهلي أسولف أحسن (والله صدق) هي في بالها شي وهو في باله شي ثاني ومافي أحد يتكلم..
أكثر شي عجبني في الموضوع هو ذكرك للشريحه القديمه واللي لازالت عايشه بيننا ولأني فهمت طريقة تفكير زوجته أنصحه بعدم التفكير في الزواج من الثانيه فقط هو محتاج أنه يفهمها ويوعيها لأهمية هالشي بكل الأساليب الممكنه وراح يشوف كيف تصير له
ومع احترامي صديقك لايحسب نفسه متفتح لأنه إذا يوم العيد ومو قادر يقولها أنه يبغاها كيف عاد الأيام العاديه
واللي بزياده مخليها تعتقد أن هذا الشي مو مهم هو سكوت زوجها
والزوجه الثانيه بعد من وين بيجيبها من المريخ؟؟ من نفس المجتمع أكيد وراح تسير عنده مشكلتين بدل وحده (يمكن ياخذون فلوسه ويفتحون فيها مسجد ويسير هو الإمام)
أنا أقول. . .مدام زوجته ماتتعوض يحاول معها لأن المشكله مو منها المشكله في أسلوب التربيه اللي مربينها عليها أهلها بالنسبه لعلاقتها مع الرجل (أكيد مو مفهمينها أن الزوج يختلف عن بقية الرجال)
ودي أذكر سالفه يمكن تنفع صديقك وغيره من اللي زيه:
قبل سنتين في آخر أيام رمضان زارتني صديقتي من أهل المدينه
وهي رايحه قالتلي أنا لازم أستأذن ودي أروح للكوافير قبل مايقولوا عيد زوجي قالي "إعملي حسابك ليلة العيد راح افترسك"
(لاحظوا الأسلوب)
والله خرجت والكل يغبطها على زوجها اللي أعطاها خبر وفرصه إنها تبدي له أجمل ماعندها وتستعد نفسيا عالأقل
بعدما راحت قالتلي قريبتي " الله يهنيها ابو فلان يوم العيد بعدمايسلم على أهله يجي للبيت وبدون كلام ولاتعليق يتجه للغرفه ويقولي فلانه يالله (وأنا في هذي الحاله أسميها غابه مو غرفه) وينتظر مني ادخل وراه وأقفل الباب، شي يحزن!!
ويطلع من الغرفه ولاكأن شي سار جواها!!! (يعني شغل حيونه) مع احترامي
ان شاءالله تكون الفكره وصلت، وعذرا عالإطاله مره حبيت الموضوع