بصراحه مثل راي الاخت الي قبل احس المجلس كله صاير احمر وابيض حاول تدخل لون ثاني مناسب
وشي ثاني الطاوله القزاز مخيفه اذا عندك اطفال الا اذا ام جوري تحب هالطاوله عاد كلام ثاني والله كل قصدي ان جوري ماتتاذى
الكراسي المفرده غير خديداتها بلون ثاني والخديدات الحمرا حطها على الصوفا الكبيره
لاتنسى تجيب سله للمجلات والجرايد بالصاله تساعد على التنظيم واشتر لكم طقم اكواب قهوه على ذوقك عشان اللحظات الحلوه وطقم للحمام واقترح عليك اللون الاخضر والازرق مررره جنان ومعه ستارته
بس اقتراح اذا كان الطقم الي عندك بحاجه للتغيير من وجهة نظر امراه
لون الصاله ماشاء الله مررره رايق
اللوحات لو تغيرها بلوحات موديل جديد من اللوحات المتشابهه الي توضه متقاربه ولوحات تكون اطاراتها ساده ولو اللوحه معجبتك بس رح محل ابو ريالين وخذ لوحه اطارها ناعم وكلاسيك نفس المقاس وحط لوحتك فيها
انا ماشفت طاولات خدمه للضيوف لانها جدا مهمه
اممم وش بعد خذ لك حافظه ريموتات للتلفزيزن من ايكيا تلقى زيها في ساكو وهي قطعة قماش فيها جيوب تحطها على جانب الصوفا عند التلفزيزن
اتمنى اني ماقصرت
ولو لقيت اي ملاحظه ثانيه راح اعود
والله يرجع لك ام جوري بالسلامه
التعديل الأخير تم بواسطة توفي ; 01-02-2011 الساعة 12:24 AM