منتدى عالم الأسرة والمجتمع - عرض مشاركة واحدة - طريقة عمل الكيش
عرض مشاركة واحدة
قديم 12-07-2006, 04:09 PM
  #10
مستكة_مستكة
كبار شخصيات المنتدى
 الصورة الرمزية مستكة_مستكة
تاريخ التسجيل: May 2005
المشاركات: 9,448
مستكة_مستكة غير متصل  
tongue3

بسم الله الرحمن الرحيم








التارت الحلو و الحادق ( منقولة )


ممكن عمل عجينة التارت والإحتفاظ بها في الفريزر لحين الإستخدام


لعمل العجينه المالحه

المقادير


4 كوب دقيق + نصف ملعقه صغيره ملح

كوب وربع زبده ....... حوالي كوب ماء بارد

الطريقه

نفرك الزبده في الدقيق ونوزعها فيه جيدا .. يكون منظر الدقيق مفتت
نعجن بالماء البارد علشان الزبده تظل متماسكة ..
نعجن جيدا حتي نحصل علي عجينه متماسكه
نتركها في الثلاجه لحين الإستخدام

حشوة للتارت المالح (1)


كوب لبن – 2 بيضة – ملعقة نشاء – ملح – فلفل – شرائح جبنة رومى – شرائح بسطرمة

الطريقة :

نضرب البيض كويس
نزوب النشا فى اللبن البارد و نضعه على البيض و نقلبهم كويس ونحط الملح و الفلفل
بعد ما تكونى عملتى التارت و فردتيها فى القوالب المخصوصة للتارت
نضع شرائح البسطرمة و الجبنة الرومى فى القوالب
وبعدين نصب الخليط اللى عملناة فى قوالب التارت على الجبنة و البسطرمة بحيث
اننا ما نملاش القوالب الا ل 3/4 القوالب فقط علشان هو حينتفخ اثناء السوى
نضعهم فى فرن ساخن لمدة 5 دقائق و بعدين نخلية متوسط الحرارة تقريبا من 1/3 ل 1/4 ساعة


حشوة للتارت المالح ( 2 )

استبدلى الحشوة اللى فوق يعنى بدل الجبنة و البسطرمة نضع فى كل قالب حوالى ملعقة خضار مسلوق ونضع عليها طبقة خفيفة جدا من البشاميل الخفيف و نرش رشة جبنة رومى مبشورة وندخلها الفرن

حشوه للتارت المالح (3)

2 بيضة
نص كوب جبنة شيدر
بصله صغيره
ملعقه كبيرة زبده
كوب لبن - فلفل اسود
وممكن زى ما انتى عاوزة قطع سوسيس او قطع مشروم او قطع دجاج

الطريقه

نخلط الزبده مع الجبنة والدقيق واعجنهم قطع صغيره واضعهم فى قوالب التارت وندخلها الفرن لحد ما تصفر او تحمر خفيف وبعدين نحط ونوزع الجبنة الشيدر في القوالب

ونعمل الحشوه : نسيح الزبده ونقلب البصله فيها لحد ما تدبل و تصفر ونحط فوقها قطع الدجاج او السوسيس او المشروم ونوزعها في القوالب فوق الجبنة نخلط اللبن والبيضمع الفلفل وجوزة طيب ونصبه فوقها وندخلها الفرن عشر دقائق





العجينه الحلوه


المقادير

4 كوب دقيق رشة ملح
كوب ونصف زبده
3 بيض + فانيليا
ثلاث أرباع كوب سكر ناعم


الطريقه

نخلط الدقيق مع السكر ورشة الملح
نضيف الزبده ونفركها في الدقيق بحيث تتخللها تماما
نرب البيض مع الفانيليا
نضيف البيض الي الدقيق ونعجن عجينه متماسكه
نتركها ترتاح في التلاجه قبل الإستخدام

بالطريقه دي نعمل العجينه .. بعد كده علينا نجهز التارت
نحتاج إلي صينية أو قوالب موجوده خصيصا لعمل التارت ..



كريمه خاصه بالتارت (1)

2 كوب لبن
2 ملعقه كبيره سكر
2 ملعقه كبيره دقيق
2 صفار بيض + رشة فانيليا

الطريقه

نضع اللبن علي النار حتي يسخن ويغلي
نخفق السكر والبيض والدقيق جيدا .. ونضيفه للبن عندما يغلي ونقلب حتي نحصل علي كريمه لفرش التارت

كريمة الشيكولاته خاصه بالتارت (2)


2 كوب لبن
2 صفار بيض + فانيليا
2 ملعقه كبيره سكر
2 ملعقه كبيره كاكاو
نفس الطريقه السابقه نغلي اللبن
نخفق البيض مع السكر والكاكاو .. ونضيف المزيج للبن عندما يغلي ونقلب حتي يتخن

ممكن زياده السكر حسب الرغبه

تارت الفراوله(3)

عجينة تارت حلوه

1 كيلو فراوله
2 كوب جيلي
2 كوب كريمة تارت ( كستر )

الطريقة

نفرد العجينه في قالب وندخلها فرن متوسط الحراره لتستوي

-ننظف الفراوله ونغسلها ونجففها وننقعها في الجيلي حوالي نص ساعه
بعد أن يبرد التارت تماما

نفرد الكستر علي التارت ثم نرص الفراوله بنظام فوق الكستر

نصب الجيلي فوق الفراوله وندخلها التلاجه لتجمد


منقولة

يتبع .....
__________________
مبروك للمبدعات
و المشاركات في اقسام التغذية و الطبخ خلال شهر مارس 2010