أنا بحتاج برمضان أفرز بعض الأكل.......
يعني متلا الحمص بنقعه و بسلقه وبحط كميات صغيرة في أكياس بلاستيكية وبفرزه ولما بحتاج أعمل فتة بنزل كيس
و اللحمة المفرومة بقليها مع البهار و الملح و بوزعها في اكياس صغيرة و بفرزها عشان الشوربة
بالنسبة للخضار لازم تقطعيها التقطيع اللي بيناسبك و تحطيها 3 دقايق في الماء الغلي المملح
و بعدين بتنطري لتبرد و بتفرزيها
بالنسبة للبقدونس و الكزبرة اذا بدك تفرزيها فأكيد مش رح تقدري تستعمليها الا للطبخ (يعني مش للسلطات مثلا )
فأنا بسلقها سلقة خفيفة بالماء المغلي المملح ... و الكزبرة بقليها مع ثوم و ملح أو متل ما بتحبي وبعدين بتفرزيها
اذا حابة تحفظي البقدونس مثلا في الثلاجة عشان السلطة فلازم تغسليه و تنشفيه منيح (و اذا بدك تفرميه ) و تلفيه بورق مطبخ أو قماش... ممكن يبقى في الثلاجة حوالي الأسبوع .
يعني الأفضل تفريز الخضار بعد تعريضها للحرارة لبقائها فترة أطول و من دون ما تفقد الفيتامينات و عشان نفس السبب الأفضل زيادة الملح
ان شاء الله كون قدرت فدتك كوفي
