اقتباس:
المشاركة الأصلية كتبت بواسطة حمنتو
عزيزي ساري الليل
قرأت قصتك مع طليقتك من بدايتها
صحيح انك اخطأت في بعض الامور
وطليقتك رأت انك اهنت كرامتها
لكن اعتذارك وتكرار الاعتذار ومحاولاتك العديده كافيه لرد اعتبارها ونسيان ما مضى
لكنها عندما رأت اهتمامك بها زادت في مكابرتها لأنها لم ترى منك مثل هذا الاهتمام عندما كانت على ذمتك طوال السنوات الماضية
هي مستمتعه بمحاولاتك وترضي كبريائها المجروح منك حتى زواجها من غيرك كي تثير اهتمامك وتعلقك بها
ولا اقول انها تريد العودة لكنها مستمتعه بتعذيبك معها كما يوحي لها عقلها ومابنت عليه من تصور من خلال ترددك عليها
الحل في نظري هو ان تتزوج وتعيش حياتك وهنا ستكون هي في صدمة كبيرة لأنها تتوقع انك لاتعيش بدونها
تزوج من اجل نفسك وضع في حسبانك انك ربما تعيد طليقتك لأنها لن تستمر مع زوجها الحالي والله اعلم لأن زواجها ليس مبني على شيء سوى اغاضتك فقط
هذا رأيي والله اعلم
واتمنى لك حياة سعيدة
|
اللي مضى مضى والله يستر عليها
وبالمناسبه .. ترى مو انتي فقط اللي تقولين هالكلام من ناحية راح تتطلق ويمكن ترجعلك
كثير من الناس اللي قالو مثلك
اولاً/ هي اقدار ولانعلم الغيب . ولايعلم الغيب الا الله سبحانه
ثانياً/ لو افترضنا زي ماقلتي وقال لي الكثير من حولي .. يمكن تتطلق ويمكن تبغى ترجعلك .. وأنا اقول لو فعلاً تطلقت وتبغى ترجعلي سواء انا تزوجت او لا .. اقسم بالله لو انها مدهونه بالمسك والعنبر والكادي .. ماترجعلي ولو على موتي .. تقلب وجهها .. انسانه نزلت من عيني ومعاد لها قيمه .. كيف تبوني ارجعها .. انسانه باعتني وانا كنت شاريها .. وأنا طيحت من كرامتي لعيون اولادي .. خجلت من نفسي .. والله ثم والله ان قلبي مثل الحجر مايلين الا لله سبحانه ولكن هذيك الايام ضعفت وهذي هي الحقيقه.. ليه اعذب نفسي في انسانه ماتستاهل .. انا من الناس الكتوم وجميع اهلي مااقول لهم اللي بصدري .. هالحين انا اقولها لكم لانكم مثل اخواني جميع .. اقسم بالله اني لعشت هموم واحزان ونحفت ومعاد لي نفس في الاكل كثير .. كنت اتظاهر امام الناس اني مرتاح .. يعلم الله زملائي بالعمل مافيه ولا واحد اشتكيت له ولا احد يدري عن موضوعي حتى هذي اللحظه .. ماهو انا اللي اكون ضعيف قدام الناس .. انتم فقط اللي اذكر لكم مافي صدري .. يعلم الله ورغم انكم خلف الشاشات الا انكم مثل اخواني.. . مستحيل اعطي خبر لزملائي او اشتكي لهم .. ماني ضعيف ..هذا انا تربيت على كذا .. عشت هموم وأحزان لأجل اطفالي .. تمنيت انا رجعت لي طليقتي .. يعلم الله اني نادم على كل شي .. وهي بالغت وبالغت وبالغت في زعلها ولكن هذي اقدار الله اللي كاتبها . فلا حول لنا ولا قوه .. ليه عشت هذاك الهم والحزن ونحفت .. ليه سوت فيني كذا .. هي ماتستاهل .. ياناس قدرو الظرف اللي كنت امر فيه ... اقسم بالله اني الحين مرتاااااااااااااااح وأحس انشراح بصدري .. ولاعاد افكر فيها ابد .. الا في بعض الأحيان لما امر مكان وسبق رحنا له انا وطليقتي .. هذا المكان يذكرني بها .. ولااخفيكم تظل الذكريات موجعه ..ومستحيل انسى اجمل وأحلى الذكريات اللي كانت بيننا .. كان بيننا ١٠سنوات وهي عِشرَة عُمَر .. كيف انساها ومستحيل ..رغم اني كرهتها .. لكن مستحيل انساها حتى لو تزوجت .. وابشركم الحين أرتحت اكثر واكثر . وكل من حولي يناديني عالزواج .. يعلم الله اعرف رِجال كفو بما تعنيه الكلمه ونادوني عالزواج اللي قريبته معلمه واللي اداريه واللي واللي . لكن الحين قلبي صار قفل . ماابغى الزواج الا بعد سنه . وترجيت جميع اهلي لا احد يجيب لي سيرة الزواج الا بعد سنه . ابغى ارتاح .. والله ماانسى هذيك الايام .. حسافتي وحسرتي وندامتي لأطفالي .. تمنيت ان طليقتي رجعت لي عشان اطفالي .. لكن يمكن خيره ... والمؤمن لايعترض على اقدار الله .. والله يختار لنا الاصلح .. ولا اقول الا الحمدلله على كل حال ... ويمكن خيره .. والله يعوضني بأحسن منها