وحده تحب ولد جيرانها وتبغى المساعدة .......
السلام عليكم
أنا صار لي فتره مسجله في المنتدى وهذه أول مشاركة لي وأتمنى أنكم تساعدوني فيها
السالفة وما فيها أنا فتاه عمري 17 سنه أحب ولد جيراننا من صغري وكانت أمي كل ما تشوفه تقول شوفي ما شاء الله هذا في سنك وأكبر منك بشهر وأنا أحبه لكن ما أحد يدري لا ماما ولا بابا وعندي أخت أصغر مني بسنة وأحس أنها تحبه وأخاف يجي يوم ويتزوجها! ويوم من الأيام أتحلمت أنو هوا مات وأنا جلست أبكي بكا عمري ما بكيت مثله وقعدت سنه وأنا أبكي بس ما قلت هذا الحلم لأي أحد ونفسي أقوله لماما بس أخاف !
لا تقولوا لي إني صغيرة وأنا في مرحله مراهقة وهذه مشاعر أنثى لذكر لا ولا تقولوا أنساه وأنتظري إللي راح يطرق بابك .......
لا أنا صح حاولت أنساه وقلت هذه مشاعر عاديه تمر بها أي فتاه في هذه المرحلة لكن ما قدرت مرة لازم أفكر فية وأحس بعدم الراحة لو فكرت أني أعيش مع واحد غيره .......
ومره كمان حلمت أنو هوا جا وأتقدم لي وأنا طبعاً وافقت .
وحلمت أحلام كــــثــــــــيرة لو أقولكم هيه كان أخذت صفحة كامله من كثرتها
أحياناً أقول يكون زوجي أحسن من واحد ثاني لأنوا نعرف أخلاقة كثييييير أحسن من غيره
يوم كنا على العشا وقالت ماما ما شاء الله زي اليوم جا ولد جيراننا كان ثالث يوم عيد الأضحى
مره أخوي أصغر مني بأربع سنوات وهوا شقي الله يصلحه ودايماً ماما تقول له شوف ولد جيراننا ماشاء الله عليه مؤدب وعاقل ما يأذي أهلة ليش ما تصير زية
وأنا ملاحظه على ماما أنها دائما تذكره كثييييير أكثر من أي ولد ثاني في الحي
وأنا معجبة به ليس لجماله فقط بل لأنه ولد عائلة متدينة وخلوقه جداً ومحترمه وأتمنى أن أقول لأمي عن مشاعري تجاهه لكن ما أدري كذا لما أجي أقول لها أخاف ؟! :confused:
وما لقيت إلا أني أسألكم وأرجوا منكم المساعدة وأعذروني كثير على الإطالة
أختكم ....
. F. Banoota . F.