اقتباس:
المشاركة الأصلية كتبت بواسطة Neat Man
مرحبا مومياء
بالنسبة للصويا تقريباً نسيت طعمها، لكن أذكر أني ماحبيتها، والاكل الصيني ماحبيته بسببها تقريباً.
اضافة الاشياء الحلوة كالفواكه للاكل وللسلطات وغيره ربما تضيف طعم اخر، ويخلي الواحد يتعود عليه ويحبه، ماتقبلته في بالبداية بعدها صرت اوكي معه.
بخصوص الفطر، انا سويت نفس طريقتك بالضبط، بصل وطماط وبهارات وفلفل اسود وزيت زيتون، وكان الفطر طازح، اللي كنت حاطته يبدو أنه معلب، وعطيني رايك عن المعلب؟
ونيالهم زوجك وأولادك إمرأة مبدعة وفنانة بالطبخ، الله يحفظ الجميع
|
.شكرا اخي الكريم نيت مان عالإطراء والله يرزقك زوجة تقر عينك ومتل ما بتتمنى واكثر
ولك اضعاف ما دعوت
بالنسبة للاكل الصيني اكيد طعمه من اضافة السكر او العسل
وانا ما حبيت من اكلهن الا المأكولات البحرية بالصلصة الحلوة الحامضة وصار عندي ادمان على كل اكل بيحتويها
لانو الفاهيتا مثلا بننقعها ليلة كاملة مع البهارات والصويا صوص ابدا ما بتعطي طعم حلو
حتى الصوص للسوشي هي بالاساس صويا صوص بس بتجي مالحة كتير
وانا ذقت الصويا صوص اللي عندي حادة وفي طعم الملح ظاهر
اما بالنسبة للفطر ما عندي شك انك رح تبدع فيها وبكل اكلة
عنا مثل بيقول نفسه عالاكل طيب
وهيدا بيدل على شطارة الشخص
و بدي اتأكد من الصورة اللي عندي لانو مرة استعملت فطر معلب والباقي فطر طازج لانو الطازج بيتوفر عندي اغلب الوقت بستعمله كتير بالسلطات والبيتزا او مع البيض او بهيدي الطريقة وتقريبا نفس النتيجة
بس المعلب للاسرع في حال اكلة طارئة ومش متوفر الفطر الطازج
وبس شوف الصور عندي بحطهن لتشوف الفرق
وجربها نفس الطريقة مع لحم الغنم مقطع مربعات بتجي وعلى جبنها سلطة البقدونس اللي بنسميها سلطة المشاوي
عندها بتصير وجبة متكاملة
وبالنسبة لاسمي بينقرأ ميمو ميا ههه
احترامي