منتدى عالم الأسرة والمجتمع - عرض مشاركة واحدة - هنا استفساراتكم بما يخص " الأمراض النسائية الأخرى"'

07-04-2010, 03:37 PM

#18

sakura chan

عضو دائم

تاريخ التسجيل: Feb 2010

المشاركات: 55

تأخرت الدوره 6 ايام+ غثيان والتهابات بالمعده ؟؟؟

السلام عليكم ورحمة الله وبركاته

كيفكم عزيزاتي وان شاء الله بخــيــر ؟!؟

اخواتـي انا دورتي السابقه كانت بتاريخ 2/3 ميلادي
و15 /3 هجري

يعني تقريباً لها أيام متأخره بالرغم من انها دايماً تتأخر يومين و 3 بعد ماتزوجت (أنا لي 9 شهور متزوجه ^^")

بس قبل تتأخر مره فجأه قمت من النوم على بالي متأخره عن الدوام وفزيت من السرير
وقعدت أستفرغ وبطني يوجعني .. بعدها اختفى الالم ايام ثم رجع بعد تأخر الدوره

(مع العم ان التبويض زي مالاحظت يتأخر عندي يعني المره الفايته صار ب23 من تاريخ الدوره
وهالمره أشكـ انه بتاريخ 26 أو 27 حوهن يعني))

المهـم مع تاخر الدوره كنت احس بغثيان وزكمه والمنطقه الي تحت الصدر يقولون معدتي كانت تالمني مرررره
انا قلت يمكن بررد !؟؟ خصوصاً ان معي اسهال الله يكرمكم
ومره تعبتني معدتي لدرجة غبت وكان عندي اختبار بس خفت استفرغ في القاعه ههههه
سويت تست بول وطلع سلبي !!
رحت بعدين لمستوصف حكومي قالت لي انتظر 8 ايام بعدين اسوي تحليل
وعطتني بنادول وحبوب للمعده وامي قالت مااخذهن وطعت امي

بس اكلت حبه وحده

وبعدها داومت يوم ورحت سويت تحليل دم بدون مايدري زوجي وطلع سلبي كمان !!
انا ماصدقته لاني احس اني حامل والاعراض الي معي غررريبه وااوا مره تصير معي
صدري متورم وثقيل بس مو مثل الدوره هالمره اقوى وفيه خطوط زرقاء
وبطي صاير قاسي مررره ومعي افرازات تكرمون لونها بين الحليبي والاصفر
والبول فيه خطوط زي القطن + الصداااع والارق بالليل وكثر النوم بالنهار وكمان معي حرااره داخليه مرره
لدرجة صرت امشي بالبيت بس بالقميص بدون مالبس اي شي تحته

واليوم الي بعده جتني نفس الحاله بمعدتي بس اقوى وكان معي مغص ايضاً اسفل البطن
الغريبه انه يجيني بس الصبح ولاجيت بنام !؟
وكنت ابكي من الم معدتي واحس نفسي بستفرغ بس ماقدرت احس ان روحي تطلع
وكانن عيوني متورمات من البكاء
اخر شي دخلت اصبعي من الام احس في شي بيطلع من معدتي
وطلع لي شوي بلغم معه دم >>الظاهر لاني دخلت اصبعي

بعدها بشوي استفرغت شي اصفر اكرمكم الله وارتحت شوي بس الالم ماراح
ووداني زوجي مستوصف خاص وقلت لها حالتي وبكيت عندها ههههه
تحسبني عشان الحمل قلتل لا ابي اي شي يخفف الالم اعيني اي شي ينزل الدوره

هي تضحك أحر ماعندي ابرد ماعندها

المهم سوت لي الترا ساوند بس كان بطني فاضي ماشربت حتى شربة موية
واشوفها لقت شي دائري وتكبره وتقيسه بس ماقالت لي شي وانا ماسالت

ومدري وشو محتاااره وهي سالتني ( تقول سويتي التحليل عندنا ؟)
قلت لها ايه ..
قامت كتبت لي ابره بالعضل تقول عشان التقلصات وقالت اجلس اسبوع لاتاخرت الدور اجي احلل مره ثانيه دم وقالت لي اشرب حليب بارد
وماشاء الله من عطتني الابره بسرعه حسيت الالم خف ورجعت البيت الحمد لله
معدتي خفت شوي بس مكانها لالمسته يوجع واحسه منتفخ
وانا على حالي والدوره مانزلت بس احس زااد الم ظهري خصوصاً لاتحركت فجأه
ولا صعدت الدرج .!! واحس الدوره بتنزل احيانا او نزلت وااناظر الا مافيه شي

المهم بعد ماحكيت لكم قصة حياتي ياليت تيدوني بخبراتكم وتشورون علي
لاني اسمع ان اعراض الحمل ماتطلع من اول اسبوعين (انا اشك اني خلص اسبوع وامشي بالاسبوع الثاني )
وهل احاسيسي صادقه ام انها وساوس ؟!؟ لاني ودي احمل بصرحه وماودي ههه
استغفر الله بس ودي احمل اللحين بس لفكرت بدراستي تراجعت
والله يكتب اللي فيه الخيره وانا راضيه بقضاءه

اختكم :: ساكورا تشان