رد: طليقي يريد ارجاعي بلا مهر
اقتباس:
المشاركة الأصلية كتبت بواسطة Asollamema
السلام عليكم
اتمنى من الجميع ان يعتبرني مثل اخته ...
ويرشدني لما فيه خير لي ،
انا تزوجت وجلست عند زوجي شهرين وكان فيه عيوب وايجابيات مثل إي انسان "
ثم تطلقنا بسبب تدخل الأهل ... ]
طبعا المشاكل اللي كانت بيني وبينه تافهه جدا
لكن مع تدخل اهله واهلي كبرت ووصلت للطلاق
قدر الله وماشاء فعل فعل
الان صار لي منفصلة اربع سنوات
وهو جاء عند اهلي يبغى يرجعني ..
واستخرت وشاورت اهلي والناس المقربين مني ووافقت
ثم بعد ماقالو له اهلي اني موافقة
وسألهم عن شروطي
قالو .. تجيب شقة لحالها ومصروف شهري ومهر عشر الاف
ووافق على كل شي الا المهر
يقول ماقدر اجيب لان ماعندي شي
الا حق الشقة بس ( وهو صدق عليه ديون واقساط )
وقال خليها تفكر ... ( انو ترجع بدون مهر )
وبعد اسبوع اتصل على امي وقال شرايها
قالت امي نفس شروطها الاولى
قال ملزمه ان تبي عشرة الاف
قالت امي ايه
قال الله يوفقها بواحد غيري وقفل الخط
عمري ٢٤ سنه
وهو من يوم ماطلقني ماتزوج
ابي رايكم باللي صار بصراحه واعتبروني زي اختكم
انتظر اجوبتكم 💕
تم تعديل العنوان ليتناسب مع المضمون
|
ليس شرطا ان يكون المهر عاجلا كله ..
من الممكن ان يكون اجلا ويصبح دينا عليه يستحق عند احد الاجلين
لو عاد شوفو ممكن يدفع كام عاجل ورحلو الباقى كمؤخر صداق ..
__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ