رد: فضفضة واحد محتار يطلب مشور
اقتباس:
المشاركة الأصلية كتبت بواسطة شاكر وصابر
مدام مهرة: ألف شكر لإلك على التجاوب والاهتمام
لكن والله (وبكسر الهاء) حسيت إنه رفضها كان طالع من تحت لسانها يعني مو من ورا قلبها.. يعني كم كلمة كانت حافظاهم ومحضرة حالها إنها تقولهم في أي وقت.. يعني حكتهم بطريقة آلية وكأنها عم تقرأ من كتاب أو ورقة.. هيك حسيت.. ويمكن هالشي هو اللي خلاني أتجاهلها وأواصل كلامي لما سمعت رفضها أول مرة.. بالإضافة كمان إنه لحد هاللحظة ماني عارف راسي من إجريي.. يعني جوابها كان الرفض.. لكن سلوكها واهتمامها ومتابعتها زي ما شرحت سابقا بالتفصيل بالإضافة لقبولها للهدايا: هادا كله على شو عم يدل؟
بالمختصر: أنا طلعت من الجلسة معها وأنا مو عارف على شو استقر رايها..
وكل يوم فكرة بتوديني وفكرة بتجيبني..
ساعة بقول لنفسي إني عجبتها وإن شاء الله تكون من نصيبي.. وساعة بقول إنها رفضتني وانتهى الموضوع..
وكل فكرة عندها اللي بيدعمها بالتفاصيل اللي حكيتها في الموضوع..
وأنا اللي زاعجني وتاعبني إني ضايع في وسط كل هالمعمعة..
ومو عارف على شو بدي أستقر..
لهيك أنا كتبت الموضوع بالتفصيل لحتى تشاركوني بكل كلمة وبكل جزئية إذا أمكن..
آخ يا ربي.. لكن هالبنت راح تجنني وأنا طول عمري عاقل وهادي ورزين..
على العموم: الله يجزيك الخير.. وبتشكرك مرة تانية
|
قبولها الهدايا؟!!!
باسم الله عليك يا شاكر تراك أنت اللي ألحّيت عليها تقبل الهدايا 
.. وشيليهم وبعدها اتصرفي فيهم براحتك.. تهديهم.. توزعيهم.. تتصدقي بيهم.. براحتك .. المهم تاخذيهم
صحيح هي المفترض ما تاخذ الهدايا ما دامها رفضت الزواج .. لكن سبحان الله ربما خانها الموقف وارتبكت وأساءت التصرف (شخصياً حدث معي موقف مماثل زمان وامي الله يرحمها هزأتني 
.. بس أنا فعلاً ما ربطت بين الأمرين وتصرفت بعفوية.)
الخلاصة .. أي كلام سيقال سيبقى ظنياً .. وشخصياً لا أعرف كيف يمكن أن أحلل تصرفات فتاة بشكل يناقض إجابة صريحة منها بالرفض.
الأمر الآخر إن صدق إحساسك .. إحنا كبار وعاقلين .. وحركات (أقول له لا لكن عيني ولغة جسدي تقول شي ثاني) غير مستساغة بالنسبة لي شخصياً.
على كل حال .. أنا فقط أود أن أعفيك من موقف جديد ربما يضايقك .. لكن لو قلبك جامد وبايعها جرب مرة أخرى .. فربما يكون شعورك صحيحاً.
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة ويبقى الحنين ; 16-05-2018 الساعة 11:21 PM