اقتباس:
المشاركة الأصلية كتبت بواسطة فاكهة الشتاء
يووووه ياغاليتي يارب حقق حلمي
شفت ورق عنب سوريات
يمي
رفاااع وكلهم نفس الطول
كيف اخليهم غاليتي نفس الطول
احنا نجيب العلالي وﻻ حدائق كاليفورنيا وفيه كل الاحجام
كبييييييييير وصغير كتير
بتعرفي ماركة منيحة ؟
|
مساء الورد
نحن مو متعارف عنا ورق العنب المعلب الاكثرية بيجيبوه بلدي وبنمونه (بنفرزه ) للسنه كلها ولي خلصت مونته بيجيب معلب بس نحن مره وحده جبنا معلب ماركه اسمها الدرة سورية بس مو متل البلدي
وحتى نحنا عنا شجرة عنب بالحديقة المنزل بنطلع بنقطف منها ودغري بنطبخها طبعا بموسمها
بالنسبة للطول انا متلك كنت اعملها سمينه
بس ماما قرصتلي اذني على كم مره و بالاخير بلشت اتحسن على قولتها صاير يطولو يبرقاتي
اول شئ ما بتكتري حشوة اذا كان ورق عنب بالحمه لان الرز بينفش بعد الطبخ وما بتركزيه بالوسط
واذا كان بزيت الحشوة بتكون اكتر من اليبرق لان الحشوة فيها قطع خضراوات بتذوب متل بندوره والبصل والفليفله والثوم كلها بعد الطبخ بتذوب وبيصغر حجمها
ولا تركزي الحشوة بالوسط يعني مديهم على طول اليبرقه وخلي شوي صغيره بنهاية الورقه فاضي بحيث تقدري تطويه من الجناب وما يفرط بالطبخ
وغي الة للف الورق العنب اشتريتها من سوريا قبل الازمة الله يفرج عنهم هي كتير فادتني اللف كلو بيطلع نفس الشكل والحجم ومرتب