والله كلامك صحيح
أيام الدراسة كان الرفض من الوالد بحجة نبيها تكمل دراستها وتتخرج بمعدل ممتاز مايشغلها أحد لاحقه على الهم
وكانت أمي تسكت عن ألي يخطبوني ماتعلمني ألا إذا فتحت معها الموضوع وحاولت استفزها بالكلام
أنا تخرجت لي سنة وجالسه بالبيت لا دراسه ولا وظيفه ولا شيء وتقدم لي شخص بالصيفيه الماضيه
وكان الرفض المره هذي من جهة الوالده جلست تماطل فيهم ألين زهقوا منا لأنها ماتبيه في الأساس
ومن يومها وأنا بديت أتكلم وأعبر عن هالظلم والقهر ألي يصير فيني لأني بديت أفكر بعمري بعد هالفراغ القووي
قلت لأمي أني أدعي عليها وهذا مو صدق بس أبيها تخاف وإذا جاء سيرت هالموضوع بديت أتكلم
بس للأسف بدت تقولي أنتِ من تخرجتِ أنهبلتي علينا راح الحياء وراح كل شيء
لا حول ولا قوة إلا بالله
والله تعبت معها أخوفها بعمري ألي بيروح وأنا للحين جالسه عندهم
وأني أبي بيت مثلي مثل غيري من بنات قرايبنا ألي أصغر مني وتزوجوا وعندهم عيال
لكن تعتقد أني ما أثق بالله ويأست من رحمته وراح الحيـــاء ألي ذبحتني فيه
على العلم أنها عند أدنى خلاف بيني وبينها تعايرني أني ماتزوجت وماعندي عيال وفيه أصغر مني عندهم
أبوي ألمح له إذا جاب هالسيره وينكر أنه السبب في شيء وأن رفضه أول لمصلحتي << الله ياخذ الدراسه
فكرت بعدها أكلم خطابات وأستحيت بصراحه ماقدرت أكلم أحد حسيتها قووووية أخطب لعمري
أنا بالفعل بديت أفكر أكلم خاله عزيزه جداً علي تذكر هالموضوع لخالي مثلا وكأني ما أعلم عنه شيء
لكن وشلون أفتح معها السالفه لأنها إحراج شوي وبعدين أخاف أحرجها معي ........
وبصراحه بديت أحس أن أهلي مستحيل يطلعوني من عندهم لأنهم ماتوفقوا مع بعضهم و كل ومسوين خايفين علي
وهم كذا يقضون علي ... وربي بديت أكرهم لا حول ولا قوة إلا بالله
الله يكتب ألي فيه الخير